حديث بين الشهيد فتاح ومدينة بنغازي

حديث بين قائد الجيش الليبي الشهيد عبدالفتاح يونس ومدينة بنغازي الجريحةعتاب من الطرفين ع خلفية خيانة بعض اهالي بنغازي لعبدالفتاح حتى تم اغتيالهورد بنغازي على الشهيدفي الاصل هو شعر للطحالب بين المقبور ومدينة سرت لكن غيرتة وانتجتة من جديد وخديت الايقاع امتاع الشعر فقط لا غيرررر

حديث مشوق وجمييييل جدااااااااا

قـالـت بنغــازي

يا اجليل قول انبعنا , شهادة فتاح في الصميم وجعنا
وايلي ينشدك يا اجليل قول انبعنا
.....................................................

[size=18]

قـال فتــــــاح

انتم ايلي بعتوني , وانتم ايلي للموت دنيتوتي

جيتكم لبنغازي وكلكم فتوني , محمد ومذكور والتريس جمعنا

ردينا برتل الموت بعد مسكوني

اهم شي الخيانة مادرنا , طريق السلامة كانكم تبوني

راكم امعاي نين ماودعنا
..............................................

قــــــــالت بنغــــــــازي

مش بيدينا , تريس بنغازي راحو ما اتلوم علينا

من شرقها لغربها لفينا

على عداك صبينا النار ولعنا , ولا يوم خنا فيه لا ذلينا

معاك صافيين ووطنا جامعنا

وجانا معمر ما رفعنا ايدينا , الموت وحدة هذا الشعار رفعنا

قصفنا ودمرنا وما جرينا , جراد يمسح لا ما صفيرة سمعنا

وسرت الجربة العافنة اللعينة , ايلي فيها ارجال اخسرنا

خذينالك ثارك منها , وفيها النار ولعنا

خسرنا تريس في جرتك ضحينا , وكله ع شانك المر بلعنا

هضا القدر يا فتاح وبيه ارضينا , كثرن مواجعنا وطاحت بينا

واتجي في النهاية اتغيب واتودعنا ...!!!

ماتوجعك يا قائد , في جرتك راحو تريس شدايد

مافي حد في الدنيا عليك ايزايد , انت متت راسك فوق ماتوجعنا

عطيت حقها لبلاد زاد بزايد , رويت وطنها ايلي له معنى

رويت بنغازي بالدم الشهيد الرايد , ودمك عليها دين لو تسمعنا

,,,,,,,,,,,,,,,,,,,,,

يا اجليل قول انبعنا , شهادة فتاح في الصميم وجعنا
وايلي ينشدك يا اجليل قول انبعنا
..............................

.

من انتـــــــــاجـــــي الشخصـــــــــي

Al a3zal

[b]

مش بيدينا , تريس بنغازي راحو ما اتلوم علينا

من شرقها لغربها لفينا

على عداك صبينا النار ولعنا , ولا يوم خنا فيه لا ذلينا

معاك صافيين ووطنا جامعنا

قمه في روعه بصدق عجبتني تسلم ايدك عزول
مشكووووووووووور

الله ايسلمك يا بنوتة بنغازينا

والله تعبت فيها وااجد وان شاء الله كانت قد التعب بس

ماتوجعك يا قائد , في جرتك راحو تريس شدايد

مافي حد في الدنيا عليك ايزايد , انت متت راسك فوق ماتوجعنا

عطيت حقها لبلاد زاد بزايد , رويت وطنها ايلي له معنى

رويت بنغازي بالدم الشهيد الرايد , ودمك عليها دين لو تسمعنا

مشكووووووور بكل ع اهتمامك بالموضوع هذا ويكثر من أمثالك

واجبنا مش جميل

مشكورة ع مرورك الحلو

» يــا نبوس يـــا حدوث يـــــــا فتاح
» في حب بنغازي
» الشهيد صــــــــــــالـــــــــــــح الـــــــنــــص...................:::....
» أشعار (بنت بنغازي)
» المتهمين بحادثة اغتيال الشهيد