في حب بنغازي

اشعار متنوعة ان شاء الله تعجبكم في بنغازي

مهما علي تقاسي ... تبقي حياتي وانت لهيب انفاسي

يا من تنادي باسمك جميع حواسي ... وصوتك يدقدق

في صدى اجراسي
مهما علي تقسي ... و الحلو في كلامي تحاولي تتنسي
انا حفضك كيف ما حفضنه درتسي ... قاصدة بهجرك

تجرحي احساسي
مهما القسوة اطول ... نبقى نحبك مهما الزمان يطول
خديته قرار وانا الي مسؤول ... حتى لو انكسر في

غلاه مجلاسي
مهما القسوة تزيد ... ما يجي يوم عن دربك انا نحيد
كل يوم نارك زايدة توقيد ... كامي السر وفي قليبي نواسي




مازلت...

مازلت نا القديم صاحب جفا نقدر عليها انصيم
لاعيب لاسيات لاتحريم لامعاتبة لاحس لاضوضاء
لاليش لاكنك ولاتكليم كثر الحديث ايصير فيه اخطاء
لاانريد نفتح امعاك سين وجيم ولاخيرفي صاحب ان كان شكا
ومازلت نا القديم



ما كل من يعشق يطول وده

ما كل من يعشق ايطول وده .............. ولا كل من يأخد قليب ايرده

غلاك فى القلب فايت حده ..................... غلاى كابر له زمان ومده

غلاىكامل محال تلقى نده .................... غلاى صادق يصعب عليك تصده

غلاى دايم للعزيز فى بعده ............................ غلاى وافى مازلت صاين عهده



صوب الصدق

عالصدق عشنا
والوفا شيمتنا
ومهما ابتعدنا غالية عشرتنا
اللي ايعزنا انعزوه
اللي ايودنا بكل الوفا انودوه
مايوم عمرك تندم علي رفقتنا


لكم مني أطيب الأماني
إيمان جابر

منورة بس مش في مكانه...تم النقل...

مشكوووووووورة ياحبيبتى على الشعر الرائع والجميل وطبعا بنغازى احلى مدينة وخاصة فى البلاد هيا باى

منورة يا احلى بنت بنغازي