أشعار (بنت بنغازي)

مازل كامي ياوليف أسرارك******************************* ومازال قلبي منكوي من نارك
ومازلت طول الليل في تذكارك*************************** والنوم فارقني وفيك يشارك
ومازال طيفك في منامي مشارك********************* ومازال قدرك فوق من مقدارك
مازلت شايلك مقام كبير************************************ ومازلت كي تخطرعلي أنحير
ومازلت لك مشتاق************************************* ومازلت كي تخطر أنزيد أشواق
ومازال ما يحلي بلاك مذاق*************************** ومازال من غيرك الحال ضرير
مازلت كيف العادة .................................... تخطر عليه العقل وان ارقاده
ولاغبت لحظة ياكحيل هماده ............................ بين الستاير والكنين سكنت
اوشوقي وجفاك اوطول هجرك زاده ................. اودك علي شانه اوشانك صنت
مازلت نا القدي............. صاحب جفا نقدر عليه انصيم"
لا عيب لاسيات لاتحريم............. لا معاتبه لاحس لاضوضاء"
ولا ليش لاكنك ولا تكليم.............. كثر الحديث إيسير فيه أخطا"
ولا أنريد نفتح باب سين وجيم...............ولا خير فالصاحب ان كان شكا
مازال عندي صبر............ومازلت نكمي في امواجع غب
ومازلت للياسات حافر قبر............. لكبار الكواين واتيين اوتاء
ومازال عندي كسر يبي جبر.............. لكسر الخواطر مالقيت دواء
ومازلت ناخذ من حياتي عبر........... بين التعب والهم ومعاناء
مانيش من الزعاله
بعد طيش عاطيني الله عقاله
ونحمل وين ماتحصل معاي فساله
مامن اللي عدت بدون اكفا وحتي بوخجل ماعد انريد انساله
اليوم الغضب تما عليه رضا مازلت نا هونا أنحمل وين مايحصل معاي خطا ونقول ساهل

مشكورة على هالعبارات الرائعة وهذا ليس بجديد عنك..

الله يخليك
مشكوره

» أشعار ليبية صح
» أِشعار (ولد بنغازي)
» في حب بنغازي
» لكل من يحب بنغازي
» سندريلا بنغازي