أشعار ليبية صح

عندي عقل من قل الرفيـق الساعة عام فحسابه اتمـر

وعندي فكر ذاهب في الطريق بقى محتار مو عارف ايمـر

وعندي عزم ما ينفع رقيـق لا حمـال لا عمـره صبـر

وعندي نفس خانقها الضيـق دال الياس غير وين المفـر

========================

حاولت ننسى مـا القيـت عزايـم يا مصعب النسيـان عللـي هايـم

حـاولـت ننـسـى غـــرورك ونبعد عليـك ونتركـك لشعـورك

لكـن حنينـي شالنـي لبحـورك ولقيت نفسي فـي غريقـك عايـم

صــعـــب نـسـيــانــك وصعب على غيرك ايجي في مكانك

بعد مـا روينـا شاربيـن حنانـك نموت بالعطش عالغير صايم صايم

=================================

لي قلب امفارق محبوبه يكابر عالجرح اللي فيه

ماسك دمعاته بهذوبـه يحساب البعـد اينسيـه

ثاريت النسيان اكذوبـة ماغالي ينسى غاليـه

===============================

مرايفيـن حبينـا عليـك انمسـو ب اريافنـا ياريـت يـوم اتحـسـوا

عـلــيــك امـــرايـــف وان كان نشغلك راني ربيع وصايف

طول اغيابـك يـا حبيبـي خايـف تهجر ونحنـا عالسـراب انرسـو

==================================

نا عندي نفس لاتخون غلاها .... ولا تروم جافي بلا سبب عاداها

عاشت مع اللي يعرفو مبداها ... لها قدر منهم كل وقت ايجيها

نافكرتي اتعبر علي معناها.... ماانلومها تحكي على ماضيها

الدنيا علي كل حال جربناها .... عرفنا وفاها ونقصها اللي فيها

========================================

قالولي انساه اتهنى وريح بالك منة

قلتلهم من ينسى روحه؟؟.... من ينسى اماله وطموحه؟؟

حتى وين انغمض عيني ... ونستنى في النوم ايجيني

نلقى طيفة تحت اجفوني....انقوله يانوم استنى

خلي عيني تشبع منه

===================================

ان كان ياعزيز اغنيت...... نا انحمل عازات الجفا

وان عاز ياعزيز اقسمت ...... تزهى العين طول عمرها

ان غاليت ........تاخذ قلب مفتوح ياعزيز للغلا

وان جافيت...... تلقى عزم صبار ياعزيز عالجفا

=========================================

ياللي عزيز مكانك ..... مازال قلبي ع الوفا ماخانك مانبدلك

مازال قلبي وافي .... ومازال نابض بالحنان الدافي

مــــــوحال يبخل بالعطا مجدافي .... لين يوصله مركب غلاي حنانك

ايهون عليا من اجنون اريافي.....ويبقى مقرة في ربوع اوطانك

=========================================

اليوم شاكية ياعين قولي كنك ؟؟أنتي مرايفة والـــله أوهامك جنك

=========================================

جرح ثاني .....أمغير يلتظم جرحك اللي جواني ،حلك نويت أتدير جرح ثاني

=========================================

بنت تونسية قالت : العقل فيه برشا هموم ما انجمش ياعزيز انقولهن

ردت عليها الليبية وقالت : هابا ياما شايل عقلي غير وطيت عليه بثقلي

=========================================

ميت موت عليك مرايف نبي نجيك ولكن خايف

=========================================

الناس دايرة الاصحاب يوم الطربة

وأنا صاحبي نبيه يوم الكربة

يوم الضيقة يوم حوست الخاطر وجفت ريقة

يوم صورة الصاحب اتبان حقيقة

سوا صافية ولا اتجي منحرقة

=========================================

وين الدنيا و وين عربها وين عيون سماح هدبها

وين أصحاب الفزعة ديمة فزعتهم للعين طربها

وين أصحاب الروح احبابي بسمتهم كانت مقربها

يا ريت ايعودن ليام ويعاود للعين طربها

=========================================

يا طويل السالف يلى على صوتك العقل اموالف

قاطع عروق القلب قطع مخالف لين الكلام عليه يصعب فرزه

ياجميل الغمزه كيف ما طعن وحشى برمحه حمزة

طـــــــــــــــــــاعن كنيني ...

=========================================

امرايف جيت جايبنى حنين و نار الشوق

فى قلبى صهيده لك مشتاق نبدالك منين

يا عنوان فى صفحه جديده بسمة ود فى عالم

حزين فيه الود و البسمه وديده

=========================================

مسلسل ما ينتهى

غلاك يا عزيز غير تابعه

=========================================

دز رساله

ونا نجاوبك ع العقل كيف جراله

ابقي من غلاك مريض هدا حاله

اسهي لين نيران الغرام كلنه

رن وجامل

بلاك خاطري ماعاد ساعه حامل

ونا عاذرك كنهو رصيدك كامل

المهم حاول يا سمح طمنا

=========================================

احنا ما انرافقو غير في الزين

ولد بيت مرفوع شانه

وين تطلبه يجيك في الحين

لا لخبطه لا شطانه

دوم في العلا كيف شاهين

مايوم ينزل عفانه

عصران مايغوص في الطين

بعيد النظر صاحب فطانه

=========================================

اغليت علي بالحيل

ونسيت روحي نسيه..

ونسيت حتي الزاد

وانسيت شرب الميه..

ونسيت حتي النوم

ماعاد يخطر عليا

=========================================

غايب عن عيني من مدة عزيز نوده لين الخاطر واصل حده
=========================================
ان كان نشغلك دز السلام العاجل ** مع الريح ولا مع الحمام الزاجل ** سلامك
دزه** ان كان بينا باقي عروق معزه ** راهوا في غيابك خاطري استفزه ** الحاسد
اللي من العيب ماهو خاجل ** والشوق ياوليفي غصن عزمي هده ** يخطرلك الشوق
يهد عزم الراجل ؟؟؟

مشكووووووووووور كل وحدة احلى من الثانية

نورت بمواضيعك ساد

العفو نونا
وأنتي اللي نورتي الموضوع بمرورك الحلو
تحياااااااااااااااااااااااااااااااااااااااااااااااااااااااااااااااااتي ومشكووووووووووووورة

ايجججججججججججججججججججججججججججججنن كلهن بكل بكل

عجبني موت

شكراbarazile ع المرور العطر

ياللي عزيز مكانك ..... مازال قلبي ع الوفا ماخانك مانبدلك

مازال قلبي وافي .... ومازال نابض بالحنان الدافي

مــــــوحال يبخل بالعطا مجدافي .... لين يوصله مركب غلاي حنانك

ايهون عليا من اجنون اريافي.....ويبقى مقرة في ربوع اوطانك

حلوات بكل مشكوووووووووووور خويا ساد

عفوا samo ومشكورة على مرورك الحلو نورتي الموضوع
تحياااااااااااااااااااااااااااااااااااااااااااااااااتي samo

تسلم ولله ررووووعه بككككككككل
منووووووووووووور...

العفو دكتورتنا .... والله أنتي اللي روعة والموضوع امنور بمرورك الحلو
مشكووووووووووووووووووووووووووووووووووووووووووووووووورة
وتحيااااااااااااااااااااااااااااااااااااااااتي لكي د.امووونة

» أشعار (بنت بنغازي)
» مقتطفات أشعار المتنبي مترجمة الإنجليزية
» نكت ليبية نكت ليبيه غير
» أمثلة ليبية
» أدعيـــــة ليبية قديمة