أمثلة ليبية

موضوع: أمثلة ليبية الأربعاء أبريل 14, 2010 4:50 pm

الأمثال الليبية

الصراحة لقيتها موضوع الأمثال مهم ونصه ضحك لو لقت الموضوع مش في مكانه أرجوكم تنصحوني
ولو حد عنده أمثال غيرهم الرجاء ينزلهم مع الموضوع ومشكوووووووووورين

يا سعد من قال أمي .. وقالت نعم وجاوباته .. تاريتها الأم جنة .. ياتعس من فارقاته .
* كل حد وسعده .. حتى البرم ، وحدة تطبخ في السفناري ، وحدة تطبخ في اللحم .
* مدام ولدي حي يا سعدودي .. نوار قبرعون فوق خدودي .
* الشوارب تبوس .. والقلب فيه السوس .
* الفار الزرباز من سعد القطوس .
* اللي واخذ على طعامك ، وين يشبحك يجوع .
* صامت قليل الملح ما يتعدّى .. برّك احدانا ناقته وتغذّى .
* ما يحبّها شبح .... جابوهلّه عروس .
* في اللبس زوجة من ... وفي الشرف بنت من .
* كل شئ دواه الصبر ، إلا قلّت الصبر ماليهاش دواء .
* اللي ضرباته أمه راحت فيه .
* مشيت للبحر نشكي من كبر هبالي .. حتى البحر وخّر ووجعه حالي .
* غايضه واسمع مافي قلبه .
* كل شئ تلقاه في السوق ، كان أمك وبوك .
* اللي يحب روحه ، يقعد بروحه .
* شرْقه بريقك ، توّريك عدوّك من صديقك
قرد موالف ولا غزال شارد .
* يا تعس من عنده ابنتّه حارة ... بنيّة وحيدة تفيّض المرارة .
* يا عيون مصبركم على غاليكم ... كيف ترقدوا نوم الهني ويجيكم .
* تمنيتلك يا قلب ما تتمنى ، حجة وتوبة والصلاة والجنة .
* يا نفس توبي وارجعي للمولى ... راهو وراك القبر مشنى طوله ...
لو تندري يا نفس شن يطرالك ... تنوحي على روحك العمر بطوله .
* اللي ما تعرفش تندب ، علاش يموت راجلها .
* حاسدين الأعمى على طول عكازه .
* قالّه التقعميز على الرخام في الصيف مضرة ..
قالّه وفي الشتي ؟ ... قالّه لو كان خلاك تقعمز .
* إمشي صحيح لا تعتر لا اطيح .
* اللي مرته قصيرة ، يفرح ويقول صغيرة .
* ياعين خليك منه كثر البكي والغريدي ، إمغير أطلبي فضل مولاك ، يقرب زول من تريدي .
* بالله يا قلبي شرتعها ... يا رحمة ربي موسعها .
* فيه من كلامه مستكه وقرنفل ، وفيه من كلامه حار زي الفلفل .
* قال للقبر ردلي بوي ... قالّه أنا نستنى فيك .
* زوجت بنتي باش نرتاح من بلاها ، جتني وأربعة صغار وراها .
* حط الفلوس في فم المدفع يسكت .
* الكذاب .. أصبر شوية وانشده .
* زي رجل البهيم القدامية ... لا تحك ، لا تصك .
* اشكون يسبقك ، إذا تجري وحدك .
* ما يغلبك كان اللي يقولك أعطيني فلوسي
نضحك ونلعب غير شهلولية ... وضرب المعاني ما يفوت عليّا .
* دير المليحة يا ولد وأنساها ... كان عشت على طول الزمان تلقاها .
* لو كان نشكي للنجوم يغيبوا ، البحار تـنزح والصغار يشيبوا .
* والله يا قِـلـّة طويسة مُـرّة .. تقلّـع غشاش القلب يطلع برّة .
* دخانك عماني ... وطبيخك ما جاني .

مشكورة وانا عندى مثل واحد
ما اعطب من التوم الا الكرات
انشاء الله يعجبكم

شكراااا على مرورك وعلى تعليقاتك الرائعة

مشكـــــــــــــــــــــوره...

موضوع: رد: أمثلة ليبية الجمعة أبريل 16, 2010 7:06 pm

مشكووووووووووووووورة

شكرررررا
وتقبلى تدخلى I love you

عسسسسسسسسسل يا الازرق .....جديات صحيتي....واحلا واحد:
قرد موالف ولا غزال شارد ............دمااااااااااااااااااار............هههههههههههههه

مشكووووووووره....

مشكوووووره حلوات بكل

لشوارب تبوس .. والقلب فيه السوس .هههههههههههههههههههه
فهمتي يا حنونه
شكرااااااااااا شكراااااااااااا
دمتي ودام قلمك......................

اكييييييييييييييييد فهمت ان شاء الله بس مش حاقدة عليا لانك عارفة معزتك يا ميرو

» نكت ليبية نكت ليبيه غير
» أشعار ليبية صح
» أدعيـــــة ليبية قديمة
» يوميات ليبية صورة معبّرة
» خش وشوف صور لأحلى أكلة ليبية هههههههههههه