الليبي والاجنبي

هضة الفرق بين الرجل الليبي والاجنبي
مش انتو متحاملين علي المراءة الليبية
شوفو الرجل الليبي شنو صفاتة


اولا :إذا اراد الرجل ان يتقرب من فتاة
الرجل الاجنبي :يبين لها انه مثقف ومحترم ويحترم المراءة
الرجل الليبي :يبين لها انه يعرف عشرين بنت غيرها


ثانيا :اذا تكلمت المراءة علي الكورة
الرجل الاجنبي :ياخذ ويعطى امعاها في الكلام ويناقشها
الرجل الليبي :تي شن فهمك انتى تفلسفي خلي المواضيع هذينة للرجالة



ثالثا :لما اكمل غداه
الرجل الاجنبي :اشيل امعاها الصوانى وايساعدها
الرجل الليبي :يمشي ايتريح ويرقد وايقوللها تى وين الشاهي يا ولية


رابعا :كان لقاها اتنضف في البيت
الرجل الاجنبي :ايقوللها كلمة سمحة وايساعدها
الرجل الليبي :تى ما زلتى ما كملتى توة نطلع وانرد نلقاكي امكملة



خامسا :كان قلتلة نبي نطلع
الرجل الاجنبي :يعزمها علي تعشاية في مطعم راقي
الرجل الليبي :بعد محاولات ايقوللها هية البسي انشيلك اتهدرزى جنب العزوز


انشاء الله يعجبكم
طبعا مش كلهم طبعا في الزين والشين وانشاء الله شباب المنتدى ما يزعلوش منى

منقول

تبي الصدق
والكلام هذا فيه كلام واجد مش مصبوط

والله الراجل مايتغير لعند ماتغير عليه المرا

شوفن الأصل وين وبعدين تكلمن ياصبايا

شنو هو لاقي جنيفر لوبيز قدامه في الحوش

بالعكس والله تكون مراته إللي حبها أول مرة أيام ماكانت تفرح بشوفتها وأيام ماكانت قبل ماتشوفه تعد في نفسها بيش تطلع قدامه في أحسن صورة

عند الراجل لما ترجع مراته لشكلها الأول وطبعها الأول
أحسن من مليون جنيفر وكل ملكات جمال العالم

بس شوفن الأساس في العوج وين


ومعليش

لا بالعكس الصبايا الليبيات احلي بواجد لان جمال طبيعي بعدين ليش ماهما يقعدو اكويسين بيش نقعدو اكويسين عشان الكفة توازن

شكراااا ع هالموضوع بس اغلبيت الليبين هكي والله صدقتي


تقبلي مروري

لنقنك صحيتــــــــــــــــــــــــــــــــــــــــــــي يا برزيلتو الموضوع خطير بكلللللللللللل
او لالالالالالالا انا مش امعك بكل يا ولذ السلماني الرجاله هما الي يتغيرو بسباب المسؤليت الي بعد الزواج

مشكورات علي مروركم
طبعا نحنا الليبيات ما فش زينة

موضوع حلو يا برازيلو
مشكــــــــــوره...