شعر عالبنت الليبية

اليوم جايبتلكم شعر عالبنت الليبية وانشالله يعجبكم
( انتي ليبية)

زينك ماهو عند الكل


انتي قمره على الناس اتهل


لا اتحبي زينه ومكياج


زينك ديمه انت وهاج


تحليتى وفزتى بالتاج


ياقمره فى الليل


لا اتغرك موظه غربيه


لا اديرى العيبه لا السيه


محفوظه من كل خطيه


اتعيشي وما اتشوفه الذل


زينك موش موضه وتسريحه


ولا مكياج واخر صيحه


يكفى فيك اخصال مليحه


ووردك ما يوم ذبل


انت زينك انك ليبيه


اخلاقك رمز الشرقيه


حشمه واداب وبيتيه


بحظورك حزنى يرحل


اتعيشي والمولى يرعاك


اتربي اولاد اولاد ضناك


على مبداك


ويسلم زول اللى رباك

منتظرة ردودكم

رووووووووووووعة جدااااااااا

وتستاهل بنت بلادي الحرة اكتر من هكي

مشكووورة سامو ع ابداعك

تحياتي

العفو
وتسلم على ردك الحلو اللي عطر صفحتي.

ماشاء الله اكيد اللي ايجي منك حلو منوره

تسلمي خيتي مصراتية على ردك الصقع

هههههههههههههههههههه شعر رااااائع وانتي الاروع اكيددد



مشكــــــــــــــــــوره