ثلاثيات ليبيه

ثلاثة تسبب الإحباط : الواسطة ... و الديون ... والمنتخب الليبي .

ثلاثة صعب نتخلى عنها : الماء...والهواء...والبازين .

ثلاثة محتاجات واسطة : البعثات..والشقق...وأى مصلحة إدارية تبي تقضيها

ثلاثة يرفعوا الضغط : الملح..وزحمة المرور..والعيل كان عشش .

ثلاثة تسبب الغرور : الفيلا... والهامر..وبدلة الحرس البلدي .

ثلاثة ياكلوا في لحوم البشر: الحيوانات المفترسة...والبزناسة الكبار .... وجماعة القرمة كان شبعوا .

ثلاثة لازم نتخلى عليهم : التفنيص.. والتلقيح....واللُّـقني وقت العمل ....

ثلاثة ما يرقدوش الليل : المديون.. والخانب.. وواحد نايضة عليه السوسة .

ثلاثة شبه اختفوا من ليبيا : الدلاع الطويل.. واحترام الشيابين ....والفراشية .

ثلاثة ما تحسش بطعمتهم الا في ليبيا : امبكبة على الحطب.....وبورديم.....وشاهي العالة ...

ثلاثة تدعو لهم بالهداية : البلعوط ..والمحسدي.. والخنايسي .... يكفيكم شرهم

ثلاثة ما تستغربش منهم في ليبيا :

واحد قاص السريع على رجليه.... وواحد يسوق في الاتجاه العكسي ..... وواحد طالع في الاحمر.

ثلاثة كان مشوا تتمنى ما عادش يولوا : الفقر ...والمرض.. والبنت كان تزوجت .

ثلاثة تتمنى ما تصبحش فيهم : سواق افيكو مستعجل....وطابور طويل في الشيل.... والمدير المتعارك مع مرته ..

ثلاثة ربي يفكك منهم : مجاري مفتوحة......وكلب مطلوق .....ورالرشادة الطايشة .

ثلاثة ما ليهمش معنى إلا في ليبيا : العسلوز.. والزميطة.. والعصبان ...

ثلاثة لا تستخدم إلا في ليبيا : الحمّاس...والكانون..والمغرف ...

ههههههههههههههههههه منورة على الموضوع تقبلي مروري

ههههههههههههههههههههههههههههههه هلا هلا
منوووووووووووووووره
thnxxx for the comment xx

ثلاتيات فسرى وحلوة بكل بكل بكل
وخاصة المنتخب الليبى والعيل كان عشش
انا اول ما قريتهن ممامسكتش روحى من الضحك
امنورة واجد يا اية وزيدينا من مشاركاتك الحلوة
لكن انا ما عرفتش العسلوز هضا شنو

هههههههههههههههههههههههههههههههههههه شكرا يا استاذى
و هدا يشرفنى انها عجباتك
و الله حتى انا سالت عليها لاكن ما زال ما جانى معناها
و انشاء الله تشوف منى واااااااجد
تحياتى

ههههههه منوره عا الموضوع حلو و العسلوز هو الي في القعمول تو انجيبة لكم في المدرسة

looooooooooooooools thnx uu gr8 :-* ttyl

hhhhhhhhhhhhhhhhhhhhhhhhhhhhhhhhhhhhhhhhhhhhhhhh thanxxx for the topic xoxoxo (^_^)

hhhhhhhhhhhhhhh thanx uu :-*

heyyyyyyyyyyyyyyyyyyyyyy
ur welcome girlsss
dis is just you al kind ppl bs looooooooooooooooooool

مشكورة جدا ع الموضوع الجميل