نكت ليبيه صح

- الولد لأبنه: نسكّر التلفزيون ؟ ... الإبن : لا لا .. خليه مردود.
نكت ليبية -نكت ليبيه
3- مرة فيه شاب مرخي يسوق في سيارة وطلع في الأحمر .. لحق عليه الشرطي
بالموطو وقال له بعصبية : ليش طلعت في الأحمر؟ رد الشاب بخوف : والله انا لما
طلعت ما كانش أحمر هلبة .. يعني تقدر تقول نص نص.
نكت ليبية -نكت ليبيه
4- واحد أحول بيزوق حوشهم زوق حوش جارهم .. وجارهم حتى هوا أحول خطم عليه قال له "ربي يعاون والعقبة لينا".
نكت ليبية -نكت ليبيه
5- مرة واحد عضه كلب ردهاله.
نكت ليبية -نكت ليبيه
6- واحد بطنه توجع فيه مشي لدكتور باكستاني سأله الدكتور : لاباس عليك ..
ردعليه : والله يا دكتور واكل هندي(يعنى تين شوكى) .. الدكتور سيبه وهرب.
نكت ليبية -نكت ليبيه
7- الأول : كيف تقول لشخص أجنبي تعالي هنا بالإنجليزي ؟ ... الثاني :
نقول له "كم هير" .. الأول : وكيف تقول له برة غادي بالإنجليزي ؟ .. الثاني :
نمشي غادي ونقول له "كم هير".
نكت ليبية -نكت ليبيه
8- واحد مشترك في من سيربح المليون .. ولما وصل في سؤال صعب طلب يتصل
بصديق .. واعطاهم رقم مرته .. ولما كلماته قال لها : شنو رايك ياحبيبتي نحذف
إجابتين أو ناخذ راي الجمهور؟.
نكت ليبية -نكت ليبيه
9- الزبون للبائع : عندك سلاطة خضرا ؟ .. البائع : للأسف ما عنديش !! .. الزبون : باهي شوفلي أي لون تاني.
نكت ليبية -نكت ليبيه
10- الأول : تجي نديرو آفاري ؟ .. الثاني : كيف ؟ .. الأول : أنتا تعطيني
نص الفلوس اللي معاك وأنا ناخذ منك النص الثاني.
نكت ليبية -نكت ليبيه
11- الأب للمدرس : علاش ضربت ولدي أمس ؟ .. المدرس : لأن ولدك (حاشاكم)
حمار .. ما يعرفش يكتب كلمة "فيل" .. الأب بإستغراب : فيل يا ظالم !! .. ولد في
الصف الأول تبيه يكتب فيل ؟ .. قول له يكتب برغوثة .. عصفورة .. حمامة بالكثير مش فيل !!!!؟.
نكت ليبية -نكت ليبيه
12- أثنين طرش ساكنين مقابلين بعض .. الأول طالع من حوشه وشاد في أيده
بندقية والثاني طالع من حوشه وشاد في أيده بندقية .. الأول: أنتا ماشي تبي
تصطاد؟ .. الثاني: لا .. انا مكسد قلت نطلع نصطاد .. الأول: خسارة .. قبل نحسابك ماشي بتصطاد قلت نتسايرو.
نكت ليبية -نكت ليبيه
13- خانب خش لحوش ولما بدا يخنب فاق بيه مولى الحوش ومرته .. الخانب جبد
عليهم موس ورسم على الأرض زوز دوائر وقال للزوج: اوقف في وحدة من الدوائر. وقال للزوجة: اوقفي في الدائرة الثانية .. واحد منكم يطلع رجله من الدورة نقتله!! .. وتلفت للجهة الثانية وبدا يخنب .. الزوجة تكلم في الزوج وتقول له : اهو متلفت للجهة الثانية دير حل واهجم عليه وشده .. والزوج يضحك .. ولما يئست منه قالت له : ماتقولليش خيرك تضحك؟ .. الزوج : اسكتي .. من أمبكري نطلع في رجلي منالدورة وهوا مش زابطني
نكت ليبية -نكت ليبيه
14- واحد مشي يزور في خالته خضرا لقاها يابسة.
نكت ليبية -نكت ليبيه
15- الطفل للأستاذ: هل تعاقبني على عمل ما درتاش؟ .. الأستاذ: بالطبع لا!!
الطفل: امالا راني ما درتش الواجب.
نكت ليبية -نكت ليبيه
16- المحبوس الأول: علاش حبسوك؟ .. المحبوس الثاني: تصور على خاطر خنبت حبل
طوله ما يجيش ميترو .. لاكن في نهايته بقرة.
نكت ليبية -نكت ليبيه
17- القاضي للمتهم: خلي إجابتك كلها شفوي .. أمتى آخر مرة شفت المجني عليه
المتهم : شفوي !!.
نكت ليبية -نكت ليبيه
18- واحد ماشي يزور في صاحبه يبي يعزمه على عرسه .. ولما طقطق على الباب
طلعتله بنت وكانت حلوة هلبة .. ولما شافها تلخبط معادش عرف شن يقول .. هو: عبد القاعد قادر ؟ .. هي: للأسف مش موجود .. من نقول له لما يجي؟ .. هو: قولي له حميدة الجاي لا .. حميدة اللي بعده عرس الخميس باش يتفضل.
نكت ليبية -نكت ليبيه
19- واحد ماشي لحديقة الحيوان .. جي جنب قفص الأسد وخشش دماغه في القفص ..
جي الحارس متاع الحديقة يصيحله من بعيد : أنتا يا راجل يا مجنون شنو تدير ..
طلع دماغك من قفص الأسد .. الراجل: غير خيرك خايف عليه .. تقول بناكلوه.
نكت ليبية -نكت ليبيه
20- الرجل لخطيبته: شفتي القمر يا حبيبتي .. الخطيبة: وشن قالولك أني عمية؟.
نكت ليبية -نكت ليبيه
21- الطفلة تسأل أمها: ماما .. علاش العروسة تلبس قفطان أبيض في العرس؟ ..
الأم: لأنها خاشة على دنيا جديدة كلها بيضاء .. الطفلة: أها .. وأني نقول علاش
العريس يلبس في بدلة سوداء؟
نكت ليبية -نكت ليبيه
22- الطفل: بابا علاش أنتا أصلع؟ .. الأب: لأن الصلعة دليل الذكاء يا
حبيبي .. الطفل: توا فهمت علاش ماما شعرها طويل.
نكت ليبية -نكت ليبيه
نكت ليبية -نكت ليبيه
تمت يا حلوين النكت وانشاء الله اتشوفو مرة تانية مواضيع افضل من هادي
وتحياتي لكل اعضاء منتديات قمر ليبيا
دمتكم بأفضل الاحوال
والسلام عليكم ورحمة الله وبركاته
نكت ليبية -نكت ليبيه

منقووووووووووووووول

hhhhhhhhhhhhh thenxxx 7loet hhhhhhhhhh

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

معلش نبي نسأل سؤال شنو معنى كلمت خنبت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

عليك عار انا غرباوية ومعرفتها مشكور يا ولد السلمانى خليها بيناتنة

نكت حلوة شكرا

مشكووووووووووووووووور

حتي انا غرباوي قولي المن انت

ههههههههههههههه نكت ايموتن من الضحك

وشكراااااااااااااااااااااااااااااااااااااا شكراااااااااااااااااااااااااااااااا

منورين مشكورين علي الردود

يا الحولو انا ورفلية
(ناديت يا ورفلي قالو نعم بالسملة رجالة ما تعرفش الذلة )

مشكوووورررررررررررررررر
حلوات بكل

النكت ايججججن ارجو ان اضحكنا اكثر

شكراااا

حللللللللللللللوه ههههههههه شكراااااا

هههههههههههههههههههههههه
نكت صقع

حلوات بكل هههه مشكور