شن رايكم في الامتحانات

السلام عليكم .......

بما إن كملنا امتحانات الفترة الاولى وبدينا في العطلة نبي نعرف شن رايكم في كل امتحان

وشن أسهل امتحان ؟ وشن أصعب امتحان ؟

مع تحياتي ..... وتمنياتي للجميع عطلة سعيدة .....

زوبا حنقولك رأى فى كل امتحان
اول امتحان كان الانجلش كان مش ساهل بس كويس
الحاسوب كان ساهل بس يلخبط
امتحان الدرات كان ساهل
امتحان الدين وكان يجنـــــــــــن
امتحان الفيزياء وكان امتحان غريب طلعت من الامتحان حليت تمام بس طلع عندى اخطاء واجد
امتحان الميكانيكا هوا الكارثه كان واعر وطويل طبعا انتى عارفه محلتش
والادب يجنن يجنن يجنن
والعلم مواد كان امتحان ساهل
والنحو كان ساهل امتحانات ابله مسعوده يجنن نفسها
واخر امتحان كان الرياضيات كان ساهل بس طويل
انشالله تكون الفتره الثانيه احسن من الاولى...

السلام عليكم الأمتحانات والله تقدري تقولي ساهلات بس الكيمياء جا صعب شوي هيا مع السلامة

توا جا دوري انا انقول رأيي

English: كان امتحان حلو حتى لوكان في نقطة او 2 مش واضحات بس بصفة عامة كان امتحان مش صعب وميزته ان طويل
الحاسوب : صراحة اكثر امتحان يلخبط مش صعب بس الخيارات كانت مش واضحة
الالكترونات : كان بصفة عامة كويس بصراحة كنت متوقعته اصعب من هكي
الدين : كان امتحان يجنن ومش عادي
الفيزياء : امتحان في البداية اتحسيه صعب بس بمجرد ماتبدي تجاوبي تحسي ان ساهل بس عيبه ان مش طويل
الميكانيكا : كان امتحان مش ساهل وفيه افكار واجد بس ميزته انه طويل
الدراسات الادبية : كان امتحان مش عااادي
علم المواد : كان امتحان حلو منوع وساهل
النحو : مفيش داعي نحكي لأن امتحانات العربي كلهن يجنن ومش عاديات كيف ابلتهن طبعا
الرياضيات : كان الختام مش مسك واجد يعني انا من انصار ان متحان الرياضيات يكون مش m c Q بجد لان يلخبط ويبي وقت طويل ونحن متعودين في الحصة على افكار معينة واكيد لما يبي يكون الامتحان طويل حتكون الافكار واجده

وفي النهاية انشالله خير لان بجد نحن تعبنا وقرينا وانشالله مايريحش التعب عالفاضي

امتحتن الانجليزي : كان حلو ومش حلو في نفس الوقت
الحاسوب : حللووووووووو بكل
الالكترونات : مش سهل ومش صعب بس كان مفاجأة للجميع
الدين: ايجنن
الفيزياء : ساهل بس افكاره مو واضحة شوي
الميكانيكا: معقد وطويل وافكاره واجد
ادب : سهل بكل وايجنن
علم المواد : حلو وخفيف
النحو : اكيد حلو
الرياضيات : هو صح طويل بس ساهل بكل بكل وواضح

بصراحة الامتحانات كويسة نوعا ما واتمنى النجاح للجميع وانشاالله الفترة الثانية احسن

معلش هو انا خارج نطاق التغطية هههههه يعني زارق وخلاص مااعنش فترة اولى ....

بس امتحانات الجامعة قريب يكملن مازالن امتحانين بس وكالعادة معروفات امتحانات قسم الهندسة النفطية ....

بالتوفيق جميعا انشالله