شعر شعبي ليبي فكاهي علي حادث سير .....

بعد الحادث بلحظات وصلت سيارة شرطة المرور ...

شرطي المرور:
شن دارلك ياحاج البالو لطيته ... قدامك قطع ولا بروحك جيته
البارح اكيد شبحته شامخ مثيل الصقر ماد اجنحته
مصبي مع خوته قباله تحته ... القطران زاهي ضاويه حاشيته

الحاج :
ماهـو مني ... ماشي بكرهبتي ونا متهني
فاتح المجعاوي حداي ايغني ... ماسك ايميني واليسار عطيته
ما نندري عللي وراي طعني ... رماني على هالبالو قليته
لا اسكرت لاني جايه متعني ... تحرم عليا حجتي ما ريته

شرطي المرور:
ياشاب جاي تعالى ... عطيني اوراقك كل شئ قباله
شن جيبك للحاج تخبطهاله ... لين انعزق عالبالو خليته
انت اللي غلطان حسب اقواله ... بخرخاشتك من لاورا قبيته

الشاب :
كُف ملامي ... ماني اللي غلطان غير اقسامي
سي الحاج شد افرينوا قدامي ... ونا يادوبني بالطارقه حفيته
تلكمس تلفتلي مشى متعامي ... طلع م الطريق وصار هاللي ريته

------------------------------------------------------------------

اللي مافهمش كلمه معينه يقول واحنا تحت امره ...

زي مثلا كلمة (البالو) اعتقد انها غير مفهومه عند البعض
وهي تعني ( عمود الاناره )

ههههههههههههههههه
شكرا يا استبرق شعر صقع Like a Star @ heaven

ههههههههههههههههه
مشكووووووووووره حلو بكل...

مشكورة
رائع وحلوة بكل

مشكوره والله رائع جدا

شكرااا شكراااااا سوسو ع الشعرالحلو
دمتي ودام قلمك,,,,,,

والله يضحك بجد مشكورة

» غزل ليبي ..
» ليبي ضحكنى بكل ...
» رساله مني الي كل ليبي حــــــــــــــــــــــر....
» إمتحااان ليبي
» اكيده مسلسل ليبي