هل انت مع او ضد السماح للبنات والاولاد اللي اعمارهم من (8 الى 15) سنة استخدام النت بدون مايكون احد معهم يراقبهم

نتمني ان كل واحد ايقول راي

طبعا ضد
لان همة اصغار وفي سن مراهقة يعنى ما يعرفوش هضة غلط وهضة صح
والنت طبعا في مواقع واجد ايباحية ومش اكويسة
فا مفروض انا ايكون في واحد امعاهم ايوارهم هضة صح وهضة غلط
ومشكورة علي الموضوع الحلو

انا ضد الموضوع بصفة عامة (بس بصراحة بعض الاطفال عندهم مواقف خاصة تسمح لاهاليهم الاطمئنان عليهم فى هذه المواضيع )يعنى باختصار حسب الطفل

شكراااااااااااا ع مروركم ونورتو الصفحه

ونتمني ردود بقيه الاعضاء
ياريت اتشاركو بالارئكم

اكييييييييد لا لان بس اذا كان
انتى واثقه منها مش ح ايخش ع شئ تانى فعادى نسمح له
وشكررررررررررا....

.........اولا منورة ميرو الحوار الجاد..وصحيتي بالموضوع ...
..........بالنسبة للموضوع..هضا..انا مع وتكعيب...لان الواحد لما يتعود "وبذات البنت".. علي النت اوحتي التلفون من هي/و،،، وصغير/ة..احسن..عشان لما،،،ي/تكبر ما /تجيهاش "صدمة حضارية".......وي/تقعد..ي/تستعمل..فيهن استعمال خاطئ.......... وبعدين اكيد لو الواحد متربي مش حايدير شئ خطا برقابة او بغيرها..ومع ذلك الرقابة من الاهل او الاخوة الكبار برضوا مش خطا...
.........معلش طولت عليك بالدوا......سلام و ان شاء الله ديما منورة المنتدى والمدرسة.......

انا مع وضد يعني ان مش نكون فوق راسه من اول مايخش النت لعند يطلع لكن لازم منهن المداهمات المفاجئة واذا تأكدت انه ماشي صح فخلاص معش نركز لكن لازم منها المتابعة من فترة لاخرى بس بدون مايحس حفاظا على مشاعره
ومشكورة ميرووووو

انا نحط التقه فى الشخص ع حسب مانعرف عليه كيف سلوكه فى تعامل مع اشياء هكى وانا مع ان المراقبه فى بعض الاحيااااان كويسه يعنى مش ديما لان تولد اشياء اخرا
بعدين حرااام عليك يا ميرو انا مزال عمرى 15 مش صغيييره مفروض لعند 14هههههههههههههه
سلمووووووو ع موضوع

انا مع لان الطفل اكيد انتى حتكونى عارفتيه وعارفه سلوكه صح ممكن تراقبيه من بعيد لاكن بدون ماتحسى عشان تطمنى عليه بس لو تميتى تراقبى فيه ممكن هكى حيدير حاجات اخرى بس لو حطيتى الثقه فيه اكيد حيبادلك الثقه ولازم اتبينيله ان هوا حاجه عاديه ومسموح بيها احسن مايفتحه من وراكى ويدير حاجات غلط...

شكراااا شكرااااا يا بنات ع مروركن الرائع
ههههههه يا ديداد باهي عادي مش مشكله عشان خاطرك حنغيروها من سن 14 خلاص تريحتي هكي اهم حاجه ما تزعلش بس

مع اصلا لما ايكونوا اهله واثقين فيه مش حايخافوا عليه لعند توا نحكى على الولد اوالبنت اللى فيها نوع من البرائة بس اللى مافيش نوع من البرائة عليا اليمين هضا ايصكروا عليه حتى الحوش مش المنتدى فقط هيا باااااى

هممممممممممم بحتي انا موقتنعه بموضوع المرقبه باصفه عامه بس لازم ما اتكونش مباشره عشن ما ايحسسوهمش انا هما امعندهمش ثقه فيهم ولا حاجه هكي
بحتي حتا لو كان عندهم ثقه فيهم برضو مزالت المرقبه حاجه ضروريه اصلا مع النت توا مرات مش هما الي يفتحو في حاجه غلط بالعكس والله توا في حتا العاب دروحه امتع اصغر او اتلقيهن كاااااااارثه بكل او بدات الوحد لما يقعد اصغير مرات ميعرفوش روحهم حتا ع ايش فتحين
او اقال حاجه مفروض ايديروها هيا انا ايخلوهم ايخشو او كل شي بس بعد ما ايكملو ايخشو هما بعدهم او يتاكدو من الهستوري او ايشوفو هما ع ايش كانو خشين اقال حاجه لعند عمر معين يعني ابجد الي عمره 8 والله ما انطنيتي يعرف الغلط من الصح فالازم الواحد يرقبهم او يفطنهم بالصح او الغلط لعند اقل شي 14 او 13 سنه
او مرسييييييييييييييييي ياعســــــــــــــــــل ع توبيك يستحق انك اتنقشي ♥ ♥ ♥ ♥

بس ع فكره ميرو انتي ليش ما قلتش انتي شن رايك في الموضوع هذا انا عندي نيه نعرفها فا ياريت لما اتخشي المره الجايه اتقوليلي شنو هوا اوكي :-*
يلا انشوفك بعدين

علي حسب عقليت طفل او مراهقة بس بنسب ليا انا راقب بس متقولش لا طفلك او ابنك انا شفت تعامل معها وانصحا بون متقول انك شفتا
مشكورة علي موضوع الرائع