*((لازم تشاركو بالموضوع لازم لازم لازم))*

السلام عليكم ورحمة الله وبركاته
حبيت نقدم موضوع مهم في حياتنا والموضوع هذ مبني ع كلمة وحدة هي ((ليش))؟؟؟؟؟؟؟
1-ليش نقولو ع القرايا صعبه ونحنا نقدرو نقرو ؟؟؟؟
شن الفرق بينا وبين العلماء هما بشر ونحنا بشر هما يفكرو ونحنا انفكرو هما يشربو وياكلو ويحسو ونحنا برضو زيهم الفرق الوحيد هو طريقة تفكيرنا لان ربي مخلقش انسان غبي كل انسان يفكر وعارف روحه شن يبي من الحياة ..يعني العلماء استغلو وقتهم وفكرو ان الانسان كيف عايش؟ونحنا جانا كل شي ع الجاهز ونقولو صعب لو نحنا قلنا صعب هما شن يقولو؟
انحب انعرف الانسان الغبي:-هو الي عايش فالحياة يأكل ويشرب ومش عارف من وين مستخلص طعامه وشربه ومايحبش يعرف شي من رغم الذكاء الي عنده.
يعني ربي انعم علينا بنعمة العقل ونحنا مش مقدرين النعمة هذ..ومش القرايا صعبة نحنا الي منبوش نتعلمو ومنبوش نبذلو مجهود..والله يهدي من يشاء..

2-ليش الحياة حلوة ونحنا انقولو الحياة صعبة؟
فش شي خلقه ربي فالحياة شين كل شي وله فوائده وعادة جملة"الحياة صعبة"مترددة عند كل انسان ليش؟
السبب الوحيد هو تفكير الانسان في السلبيات اكتر من الايجبيات.
مثلا"في ناس يقولو او يتمنو:-"ياريت لوكان لون اعيوني ازرق"هو فعلا فكر في شي حلو بس تمني امنية سلبية ليش؟
اولا:-مقلش الحمدلله.
ثانيا:-فكر في انه لوكان لون اعيونه ازرق لكن مفكرش انه ربي عاطه نعمة جميلة وهي نعمة "النظر".وهذا المثال من اتفه الامثلة الي تخلينا نقولو الحياة صعبة..
والله يهدي من يشاء.. "الحـــــــــــــــــــــــــياة اتجنن"

3-ليش نسمعو فالاغاني بكثرة ونسمعو القران بقلة؟
انا شخصيا هك ومتأكدة ناس واجد معايا فالمنتدي هك وناس اكتر خارج المنتدي برضو نفسي ..
ونحنا لما نسمعو قران ونركزو في كلامه نلقوه يأثر فينا اكتر من اي كلام ولما نسمعوه نتريحو ..
لاحظو:-لما تسمع اغنية ولا اغنيتين ولما تسمع قران ..قارن بين وجع الراس وراحة القلب ..تو تلقو الفرق كبيــــــــــــــــــــــــــــــــر..
" وربي يهدي انشاءالله كل انسان"
انشاءالله تكونو انعجبتو بالموضوع ..انا حبيت انخلي الموضوع مفتوح والي حاب يضيف سؤال مبني ع كلمة " ليش " ياريت يتفضل ويشاركنا..
مع تحياتي لكم "نورهان البرعصي"

شكرررررررررررررررا
ولهى كلام صححح بكل
تقبلى تدخلى

صح والله كلامك كلا صح
مشكوووووووره يانونو ع الموضوع الخيال...

مشكوره يا أحلي نورهان وأكيد أنتي عندك حق
لكن هذه هي النفس البشرية .للاسف.

مشكووووووووووووورة نورهان

مشكور يا نورها علي الكلام الحلو

شكـــــــــــــــــــــرا بنات ع مروركن

مشكورة يا نورهان بجد هالموضوع يستاهل النقاش ...

العفو حبيبتي كلك ذوق ياريت تشاركو واتفكرو اكتر

مشكورة نرهان

ليش انلاحظ عيوب غيرنا وما نلاحظش عيوبنا؟؟؟؟

صح ..مشكوره نورهااان تحياتي

موضوع خيالي بكل

مشكوووووووووووووووووورة على الابداع