"جــــــــــــــــــــــــــــدول للقرايا تمنايتي للبنات الحلوات بالنجاح"

السلام عليكم ورحمة الله وبركاته
حبيت انقدم لبنات البيان او خارج البيان وللشباب الي منورينا في المنتدي جدول ثالثة هندسية للقرايا وانا طبعا حسبت لقيت ان الوقت كافي بأن نقرو ونراجعو وحسبت الايام لقيتهن يعادلن عدد مودانا ولقيت ان كل مادة حا تأخذ 3ايام ويوم مراجعة نحنا طبعا رح نمتحنو في 11مادة وامتحانات بأذن ربي يوم 6/6/2010 ..المواد هنا:-
1-الدرات الكهربائية
2-الديناميكا
3-الرياضيات:-الهندسة-الجبر
4-اللغة الانجليزية
5-الحاسوب
6-ميكانيكا انشاءات
7-الدرسات الادبية
8-الدرسات اللغوية
9-التربية الاسلامية
10-انتقال الحرارة
طبعا انا بديت الجدول من تاريخ 22/4/2010 يوم الخميس يعني حتريحو قبل تاريخ 22/4/2010 ألي حاب يطلع ويتمتع قبل تاريخ 22
يعني نقرو من 22/4 الي يوم الاثنين 24/5 قسمت المواد كل مادة 3ايام وبعدها رح يفضل 10 من تاريخ 25/5 الي 3/6 الايام هذين كل يوم ناخذو مادة نراجعو فيها يوم كامل طبعا مادة اول يوم مش رح حتكون معاهن بعد ما نكملوهن يفضل يوم 4/6 ويوم 5/6 رح نقرو ونراجعو مادة اول يوم باذن الله ولو ربي سخر..
هكي حسبتها ويبقي عليكم تقسيم المواد كيف ما اتحبو وانا انفضل مواد الفهم قبل الحفظ لان نحنا الهندسية واخذين ع الفهم اكتر والحفظ مسرع ما ينتسا انفضل اخر الايام حفظ وبراحتكم .. الي عاجبه الجدول ياريت يقولي..
وانتمني لكم النجاح والتوفيق ..وياريت ايام الامتحانت محدش يخش ع النت ونركزو اكتر ع القرايا لان شهادة..
تمنايتي بالتوفيق للجميع نورهان البرعصي

شكرا حبيبتي تقبلي مروري

u welcom tame

الجدول تمام بكل وانشاالله ننجحو وانخشو القسم الي انحبوه بس انا خايفه واجد من الامتحانات لاني نبي تقدير كويس

dnt worry najia--just study--gd luck 4 u baby

يانونو متأكدة إن الإمتحانات 6/6/2010 معقولة وكاس العالم كيف إيصير فيه يبدأ12/6/2010 مفروض يخلهن يكملن يوم 10/6/2010 ولله يبنونا إنسيبو كاس العالم ونقرو لا مش معقولة تخيلي الأرجنتين تلعب وأنا إمسيبة المبارة ونقرة لا حول ولا قوة إلا باالله يعني قمة الظلم (AHLY)

ههههههههه الله غالب ماهو انا ليش درت الجدول عشان يوم الامتحان تقعد مراجعة وتحضري المبارة

مشكوووووووووووره يانونو

العفو شكرا ع مرورك

شنووووووووووووووووووووووووووووووووو لالا قصدك الامتحنات يوم 6/6 اه انا سهبتهن يوم 17
واااااااااااااااااااااااااااو خلص قربن بكللللللللل عليك جو شين معنها خلاص لازم نبدو نقرو بس مش جوها بكللللللل
اوفففففففففففففففففففففف بس ابصراحه انا عجبني الجدول امتعك يا نورهان شكلك ابجد امفكرا فيها
او توا انحول نمشي بيه اه او اكيد ها نبداء بي مواد الفهم الاول اصلا انا نوعيتي مسرع ما ننسا
مشكووووووووووووووووره نونو ع جدول توا مزال التطبيق بس

شنوووووووووووو حرام عليك شنو ايقدمو هذي اخرتها بعدين انا ننهبل هما اصلا قدموها عشان الكاس فا معتقدش ها ايقدموهن اكثر من هكي
هما كن يلغوهن او يريحونا والله يكسبو اجر

العفو نارة والعفو فوز بس اشعاءات انه رح يقدموهن

يا بنات انشاء الله بالنجاح واتجيبن تقدير سمح زيي هههههههههههههههههه
امالة نحنا شنو انقولو الي امتحاناتنا يبدن 28/6 يعنى نبو انتفرجو علي كاس العالم عيب عليهم علي العمل الي دايرينة فينا

شكـــــــــــــرا برزيل اها ربي ايعاونكم انشاءالله بالنجاح ..وتشرفت بمقابلتك فالجامعة

شكرا علي ذوقك وانا التي تشرفت بمعرفتك يا (نونو)

العفو حبيبتي انتي وروعة اهل الذوق..

مشكوره كتيييير نونو موفقين للجميع

موفقين ان شاء الله يا بنات هندسيه يا خوتنا
وان شاء الله يا نارااا تخدي الجدول وتبدي تقري لان معش في وقت
موفقين,,,