انحبوك يلي اسماك .................

ياطيف حالي بالحلا امزهينا
انحبوك يلي اسماك .................
انحبوك يا العظيمة
وللحب في زولك اقصص قديمة
يا مهجة الخاطر الكل ايودك
الكل يبعثلك غلا وتبسيمة
ما هناك والي اسلم جاء في ضدك
انت السامية والعالية ف القيمة
انت امرابطة وحتى اللي في ضدك
يبقى هميم وحالته تخميمة
ياما علي شطك مسحتي خدك
وياما صبرتي ع الزمان وضيمه
وياما ف بحرك موج غنى ردك
لحنك جميل وحلو يا الوسيمة
لحنك شذى نوار يبعث ودك
ف عز الصقايع في شتاء امدفينا
انحبوك يلي اسماك ..................

انحبوك يا ودادة
انحبوك يلي صامتة محتارة
يلي علينا دايما نشادة
ان رحنا بعيد والا سكنا الدارة
ما تواخذينا ان كان بقيت عادة
رحلة احبابك وهجرتي بأمارة
هكي الظروف حكمت بكل برادة
وهكي ايعيش القلب كل امراره
وهكي العين ادموعها سقادة
بعدك نكد هو اللي امبكينا
انحبوك يلي اسماك ...................

انحبوك سيدي حسين
يا صابري يا رويساتنا يا زين
يا فويهات يا سلماني
يا محيشي يا دولار يا بوقرين
يا ليتي يا بركه ويا هواري
يا اسكابلي يا زهوتي والعين
يا اخريبيش يلي فيك كثير معاني
يا كيشنا يا ناسنا الغاليين
يا كل نقطة من بعيد وداني
برنيق* تبقى صرح ليوم الدين
برنيق يمي الشوق فيك دعاني
برنيق كل العمر ليك حنين
برنيق بعدي ليك راه كواني
يا ريت يقرب يوم اللقاء يا مينة
انحبوك يلي اسماك .........................

انحبوك يا الزكية
يا نفس طيب ف العلالي صار
يا مجدنا يا روحنا جملية
يا مقعد الغاليين والسمار
يا وطن باقي صرح ضاوي ضيه
حتى عدوك فيك راهو حار
علي ما يحاول فيك سوء النية
كنت عليهم كيف ويل ونار
انحبوك وانت لزولنا الهوية
انت أمنا وانت البو والدار
انت اللي الأوقات فيك هنية
ما في مكان ايعادلك ما صار
يا ريت نبقى فيك حتى اشوية
وبعدين نبقى انموت فيك نهار
المهم انت الباقية والحية
ذكراك حتى موتنا امنسينا
انحبوك يلي اسماك بنغازينا ....................................


وليد الرملي
باريس

نحبوك بنغازينا ..............و بكره الزمان همومنا ينسينا.........تردي.. ويردوا اهلك اكبارالقوم... وترد يالغاليه ايام عزك .... ونعيشو فيك حلو ايامنا ....وتعيشي شامخه و ما ريح تهزك.
علياء.....بنغازي

حلووووووووووة ياعلياء بصراحةرائع وشكرا لي موضوع الرائع

شكرا يااحلى ساره في البيان الاول وبنغازي

مشكوووووووووووره

شكرااااااااااااااااااا يا علياء علا الموظوع

برافو ياعلياء موضوع حلو وكلمات احلى وتستاهل بنغازي هالكلمات

مشكوووووووووووووووره....

اكيد بنغازي تستاهل اكثر واكثر

وشكرااااااااااااا يا عليا

شكرااااااااااااا ع الموضوع

مشكووووووووووره ع الموضوع الحلو...

طبعا مدينة البيان الول تستاهل اكثر
مشكورة يا علوه

ولو اكيييييد هذي الكلمات جسدتها وغنت عن تعريفها بشكل صريح ومشكورة ياعليا علي الموضوع عمتا والكلمات المتناسقة والمعاني المتواجدة خاصا وانشاء الله بالنجاح لكي ولكل بنات الشهادة آآآآآآآمين