مسكين غير اسمه من امراجع الي نزار...............

هذي القصة واقعية 100في 100,, تدور احداثها في سنة 2001بالضبط في فصل الربيع وكنا زاردين في منطقة القوارشة ضواحي بنغازي - واستغفر الله العظيم - كان قصدنا معاكسه بنات الشاميات الي عائلاتم كانت ديمه يزردو في مراحات القوارشه وين هضك العشب الخضر والنفس العليل - كنت نا ومعاي اصحابي ربي يحفظهم(سراج بن دردف- وسيم كبلان-اسلام الشحومي) وكنا راكبين في الماكسيما امتاع اسلام موديل السنه امتاعها_ الأمر وما فيه(( ممكن اتقولو هذي نكته سامعين بيها- لكن هضه الي صار بالفعل)) الامر انا جت جلستنا يلا عائلة لبنانيه ثلاث بنات مانحكيلكش علي جمالهن( سبحان الخالق)ومعاهن الباين باتن(زلمي محترم)_ بقا خيك سراج ابيبرم عليهن يخلي في باتن يبرم وجهه علينا ويشيرلهن,, الي علمته نا ان اثنين منهن اسلكن معاه وحده شقرا شعرها كاريه والاخرة شعرها اسود وطويل _ خونا سراج بن دردف خط علي شعرها مقصوص الشقراء وخوط ع الاخرة( والشهادة كانت اجمل من اي بنت ريتا) وكيف بدا يبي ياخذ معاها موعد _ البنت اشقرا فهمت ان يقصدها هي مش اختها او صاحبتها وبقت تشير لسراج_ خونا سراج الله ايسامحها شيرلها بعنف وقال بغضب (مش انتي يا امجلمه) بعدتها رقالها وكلمت بوها الي ماكانش منتبه,, واول حاجه دارها وبدون مقدمات جرا شور الطريق الرئيسي الي كان اقريب منّا واجد,,, وسبحان الله يوصل لطريق وأول سيارة اتواجها هي سيارة النجدة......طان طاطااااااااااااااااااان..... يوقفوله النجدة ويجو معاه شورنا وبالضبط اول ماوصلونا النقيب(ثلاث دبابير أكيد) يصفق وسيم كبلان بكالشو يعيط وسيم بأعلى صوته وايقول ((مش نا مش نا أحترم نفسك واعرف كيف اتعامل مع الناس, وبعدين اسأل قبل ما تمد اكرعك يا سي الهايك, ) ويطلع وسيم الموبايل امتاعه((والموبايل كاين في ال 2001حاجة نادرة وقال وسيم (تو انكلم الي يتفاهم معاك) فجأة النقيب قال ت((تي غير وسع بالك وفهمني الي صار))البين التغطية بالهون كانت والا مش عارف ايش وسيم وقف الاتصال والبنت الشقرا جت وكلمت الضابط وقالتله(( ارجوك سيدنا ماتزلمهون كلياتهون بس الي اتحرش بينا هيدا الي لابس الجاكيت الخضراء)) تره حزرو فزرو من كانت تقصد......المشكلة الي ماخشتش مخيلتي انها كانت تقصدني نا ونا والله مادورتهن ولا نظرت حتى نظرة ود فيهن.. بعدين خونا الضابط سألني ايش اسمك,,,قلتله اسمي أمراجع وسأل بقيه الصحاب ردوا وسيم , اسلام سراج,, بهت فينا احنا الاربعه بعدين قال,,,,علي الحلال ما اديره الا انت يا امراجع شالوني هو والشرطه الي معاه معاهم في السيارة,,لكن خونا اسلام طلع راجل ولحقنا بالسيارة وعرف وين حطوني في اي مركز يعني_ وبعد حوالي ساعة م الهزايب في المركز جا ء وسيم وامعاه باته وطلعوني,,,الحمد لله جت علي خير لكن بعدها سميت روحي نزار وبقى اسمي نزار العوكلي لفترة طويله الى هنا دون كيف رجعت اسمي الاول (امراجع) الي اكتشفت انه هائل ورائع ونا نعتز بيه واجد........
..
.
.
.
.
.

منقوول

ههههههه خليه يستاهل هضة الي اتبع وحدين ما شاء الله عليهم
بش تعرفو الزلميات كيف انهن انذال مش كيف الليبيات

مشكور عالرد

حمادى المحجوب مشكورة مش مشكور
Iam girle

انا مفهمتش ليش غير اسماء
بس القصه حلوه مشكوره ياحمادي

اسمي أمراجع وسأل بقيه الصحاب ردوا وسيم , اسلام سراج,, بهت فينا احنا الاربعه بعدين قال,,,,علي الحلال ما اديره الا انت يا امراجع شالوني هو والشرطه الي معاه معاهم في السيارة,,لكن خونا اسلام طلع راجل ولحقنا بالسيارة
يعني اسمه مايطمنس يانارا ياصقع اول واحد شك فيه الي اسمع مراجع ومنوره علي مشاركتك و

اوووووووووووووووو اوكي توا فهمت مشكوووور حمادي ع قصه

مسكيـــــــــــــــــــــــن
مشكـــــــــور ع القصه الحلوه...

والله قصه حلوه بس يستاهل
ومشكوووووووور

هههههههههههه نلقانك عجنتها يا امراجع

امنور يا زعيم