العودة الى الجامعة

السلام عليكم
يؤسفني ان انقل لكم موضوع العودة الى الجامعة . العودة الى الجامعة تعني العودة الى التعب والسهر , العودة الى القلق العودة روتين مش عاجب حد لكن اهو لازم منه هكي ولا هكي رادين رادين
عموما انا باسمي وباسم زميلاتي في الكلية نقوللكم ان نحنا ايام الدراسة مانقدروش نخشو للمنتدى ونضيفوا مشاركات لان وقنا يكون محدود, والوقت اللي نكونو فيه في الحوش يسد القراية والهوم وركات بس وان شاء الله اذا حصلنا وقت فراغ اكيد نطلعو على مواضيعكم ونستفيدوا منها لكن نحنا ابتداءا من السبت القادم باذن الله تبدى القراية تذكرونا بصالح الدعوات وان شاء الله بالتوفيق للجميع وبارك الله فيكم واليكم سلامي للجميع
وعليكم السلام ورحمة الله وبركاته

كيف ما قالت شيمو الجامعة بدت وبدة الجو الي ماشاء الله عليه طبعا ما انوصيكمش الله الله علي الدعوات ونحنا كتبنا الموضوع بش ما تنشغلوش علينا ههههههه وانشاء الله كل ما انحصلو وقت انخشو بس في الجامعة ما نلقو وقت عشان ندوى مع هلنا لكن ربي ايساعد وانشاء الله خير GOOD BY

صدقتي يا شيمو انا وياك علي نفس خط السير السهر علي تصميم و......... باقي المواد والبحووووث ويالله ايسد الوقت لهن
ان شاء الله عند اي وقت فراغ سندخل اكيد و نطلع ع المنتدي
ادعولنا انصفوا تصفيات اعلي من السمستر اللي فات
بالتوفيق لكم ايضا .......مع السلامه

ربي يستر انشالله والسمستر هذا اهم من الي قبله لانه علي حسب المعدل يا صابت وصفينا ياخابت وقعمزنا في العام اخري منوصيكمش الدعاء ثم الدعاء الي اهل غزه اه قصدي اهل الهندسه

بالتوفيق وإنشاالله إتصيب يانادين وإتصفو والله إنرايفو عليكم وعلي موضيعكم وإنشاالله السنة الجاية إمعكم (AHLY)

كلامك صح الصح لان مع الجدول السمح هضا ما انروح الا الخمسه و نطلعوا الثمانيه و ستر الله و خلاص