اهداء ليوسف شخشير قصدي شاكير من الشاعر سعد العمروني

يا بو نبحة

في اذاعة القنفود باين قبحه

تطلب فالجنون بكذب ماسك سبحة

في وذن ميت يا سفيه صفير

رصاصة اخسارة فيك قدرك ذبحة

علي غير قبلة بموس ذبحة طير

قريب ليلكم والكذب يصبح صبحه

اتنور وحبل الكذب دوم قصير

ميدانه بالذكر داير ضبحة

وساحتكم الخضرة بالزر والتزوير

يا شلواش

فالليل طلعتك كي طلعة الخفاش

ضي النهار ايزيد فيك غباش

ويزداد حقنا وانتا اتزيد اتحير

امقمعز اتقروط كي بو كشاش

اللي يقتله م الاجير له كثير

تكذب علينا ويلك

ويا انويرتي صار الغراب دليلك

علي كل جيفة يا سفيه ايشيلك

كليت م الجيف ماعاد فيك ضمير

جيت ليبيا تنبح دخلت بذيلك

ع الطاغي وتبرم احذاه حقير

سبيله سبيل ابليس صارسبيلك

من كذبك اختارك للجنون سفير

مراسل الجن ايكلمك في ليلك

بـاسمك اينادي ايقول يا شخشير

ما يشغلونا تو غير عويلك

يهديهم الله ايكون فيهم خير

يا بو نحة

حتى دجاجكم بالخضر قايل دحا

اكسر دحيتك يمكن اتشوف المحة

حمرة وسودة علم للتحرير

منك تبرت عيلتك مسمحا

ومن فعلك رسول الله يا شرير

مفضوح صورتك للناس ما انوضحا

جليسك مثيل جليس نافخ كير

عريان مالحياء وعاري الخبر م الصحة

تشيطن الليل بهترسة وشخير

ايبان الوسخ وين فصختك تفتحا

علي فصختك حصل ابليس سرير

ثورة ارجال..الكذب ما يكبحا

نبيح كلب ما ايوقف اجمال اتسير

الناس عندها للكلب قولت شحا

شحشحنا عليك انسكروا تسكير

بصاروخ بأسم الله بيه امدحا

والله حسبنا ونعم الوكيل كبير

هههههههه نلقانة مش عادي بكل الشاعر هضا

امنورة يا صقع

ههههههههه حلوة بكل صقع سعد العمرونى
يسلمووووو نيرو

ههههههههههههههه شعر ايجنن
تسلمي نرجس عالشعر

» الشاعر الشعبي بوبكر رابح
» الشاعر مراد البرعصــي مع ابنـــه .....
» الشاعر والقمر
» اهداء خاص لعلياء وهدى
» حوار بين الشاعر والقمر