عندي حكاية يا بحر..........

عندي حكاية يــــــا بحر كاميها

امفيت أنت ما عـــندي لمن نحكيها

***

حكاية غـــــــــــــالي

عدّا وخلالي ســـــــمور ليالي

هو غاب ونا زاد غـــــاب دلالي

وخلاّ العين ديما مــــنفلت ماقيها

***

يمين حالفة ما عــــاد تألف والي

رضيت الياس ويــــاسها راضيها

***

لا لها عدو ولا عـــاد تريد غوالي

رصيد م الكوايــــن عزها يكفيها

***

ولا تريد ضحـــك ولا تريد تسالي

تعشق ألحان اليــــاس وتسليها

***

يجتمعوا مع نســـمة الليل التالي

عطشانه اتجيه وكـــاسها يسقيها

***

ولمباكر اتنوض مــهوطة وتخالي

مفعوله قوي بالـــحيل ومقسيها

***

حكايــــــــــــة ياسي

الطايل اللّي منــــه كبر وسواسي

على أثر موح مستاصل بقى مجلاسي

صعيب مع اللّــــي قعدته شاهيها

***

والوقت جرّني جــرّة زعيم سياسي

خشّشني دروب ضــــلال ما نبيّها

***

واعدمني الثقة فـــي قرايب ناسي

كامي عليها مـــــا لحد نشكيها

***

علي صغر سنّي ذقــت مرارة كاسي

مفطوم ع الكواين فـــرحتي ناسيها

***

ولا رضيت لا نرضــى نواطي راسي

الدنيا سوا عنـــــدي الله ناشيها

***

ولا نقرب م اللّـــــي كبار كراسي

عصران نفس خــــالقها الله يغنيها

***

وحتى ان كان هو بــايد حديده فاسي

جبال دنيتي لازم نـــــخشّ عليها

***

يا نموت فيها يا يــــصير خلاصي

ونلقى أصحاب عـــــقول ونغاليها

***

وما خانّي صادق مـــعاي احساسي

متوقع بشاير خـــــير مستوحيها

***

ايجي يوم ونـــــثور ضدّ افلاسي

ونركن قوانـــــــينه ونستثنيها

***

وتسمع بعد سكتة أصــوات أجراسي

تعلن لحظة فـــــــرح متمنيها

***

وأنت يا بحر للصّـــوب فيك مراسي

لازم بواخر للـــــعاشقين اتجيها

***

وأنت سبب عـــــلّة وفيك مآسي

يصيرن امغير المــــوج يمحا فيها

***

ونا علي شطّك نفـــــضت أكياسي

حكيت لك بقصة للـــــنجوم ارويها

***

انزاحــــــــــــــت داره

اليوم يا بحر عنـــــّي عزيز توارى

عدّ وخلاّ في الــــــــكنين إشارة

مرسومة ومهما صـــار ما يمحيها

***

ولنظار تمّن حـــــــايسات سمارة

والنفس شارهة قـــــعدة مع غاليها

***

تناوض علي غفـــــلات لوعة ناره

ونصبّي بحيل جــــــهدي ونواطيها

***

اووين ما درست الـــــقيتها منهارة

أفكاري قديمة بـــــــذكره ناسيها

***

وقعة خواجة فــــــي عرب قمّارة

علايل وهم ويــــــــاس متكفيها

***

وقعت بينهم وانســـــيت كل اخباره

الغالي وتمّن هــــــن أسباب التيها

***

وأنت على شطّك هـــــــناك منارة

ترشد التايه مــــــــن بعيد ايجيها

واعدمني الثقة فـــي قرايب ناسي

كامي عليها مـــــا لحد نشكيها
......................
.........................

منور أكثر من روعة شكرا........
بايو

شكرا الأزرق الحزين على مرورك وأنتي اللي منورة المنتدى المنتدى بوجودك والله أنتي اللي روعة وقمة في الذوق

عندي حكاية يا بحر.......... 896984

العفوووو......هذا من ذوقك....تسسسسلم......
بايو

شكرا على مرورك الأزرق الحزين

» عندي عزة نفس
» ما عاد عندي شوق يمشي شورك......
» أحسن و اصقع فصل (عندي)
» ماعاد عندي شوق يمشي شورك ...........
» صور حلوة بكل وإللي مش عاجبه عندي له صورة في الآخر هدية هههههههه