ابحاث عن الرقم الدولي 0022

السلام عليكم ورحمه الله وبركاته
يا طالبات البيان ويا اساتذه
ارجو منكم القراء الي النهايه والمساعده لان الموضوع بجد لايسكت عليه ......
لقد ظهرت الاشاعه هذه منذ يومين فقط ولا كن اثرت في الجميع
والجميع يسئل نفسه متل السؤال ؟؟؟؟
من وراء هذه الاشاعه
وهل هي حقيقه او خيال
وماهي قصته 0022
وكيف لمجتمع واعي ان يصدقها
وكيف نموت من اتصال.؟؟؟؟؟؟ وهناك الاكتر والاكتر من اسئله تدور في ذهني
انا نبي المساعده والتعاون من جميع الاعضاء لاني قررت ان افعل بحث علمي عن هذا الموضوع ومن ورائه
لقد بحثت في جميع المنتديات هناك من يؤكده وهناك من نفاها ولم افهم اي من الطرفين هو الاصح
ولقد اثرت القصه فيا ولاكن ليس لخوفي من قطار الموت لان لايصيبنا الا ما كتب الله لنا ولاكن خوفي من عميان شعبي الذين اصبحو يصدقو كل شي وينشرون الاشاعات عن اصغر الاشياء
القصه تريد عقلا واعيا ناضجا هل يعقل لرقم غريب ان يسحر الجميع ومن اين له كل هذه الارقام
وكيف يستطيع ان يكلم الجميع في اوقات متقاربه من الليل
هناك من حسبها نهايه دنيا يلا هذا العقل المفكر .... بما انك فكرت بها نهايه دنيا والقيامه قامت فهل فكرت بانها مذكوره في القران الكريم ام لا

لذالك يا اعضاء منتدي البيان الاول اريد من الجميع قليل التفكير وتشغيل العقل نحن جميعا نعرف انها اشاعه ولاكن الذي لانعرفه لماذا ظهرت هذه الشائعه ولماذا في هذا الوقت بالتحديد
وماهو سبب ظهورها وهذا الذي اريد منكم ان تساعدوني فيه

فكرو معي عندما ظهرت شفرت الجيل الجديد وهيا في بدايتها ظهرت هذه الشائعه
ولاكن الغريب لم يذكرو الناس شيئا عليها وكل الاتصالات يقولون ع البيانا والمدار فهل هذا التفكير طبيعي

مع تحياتي واحترامي للجميع ارجو من كل قارئ هذا الموضوع ان يترك لنا بصمته بجمله او راء او حتي استفسار

وشكراااا لللجميع

أنا نقول انه خطة الهاء ........يعني في حاجة أكبر تنطبخ ويبونا مركزين علي حاجة ثانية Cool

أو انه من شركة ليبيانا والمدار,,لانه في اليومين الي فاتن كل واحد يكلم في اللي لاه يحذر فيه ,,,,,,,,,
وشوفي المردود يرد علي من؟؟؟؟؟؟؟؟
وحاجة أخرى الفترة الماضية صار خلل في الاتصالات وقعدت المكالمات الدولية من هنا ببلاش.....وفي خطوط معش علقن بكل......فبلكي بيغطو عالمشاكل الفنية هذينا بإشاعة كيف هذي خوفا علي سمعتهم او شكاوى المشتركين......
او عالارجح حد مكسد دارها في الناس عارفهم مسرع مايصدقو .......آخرة عمرنا قعدنا لعبة في ساحة الاشاعات...
وكون كما قال احدهم:
لاتصدق ماتسمع وصدّق نصف ماتراه
نيرو هظا الي خطر على بالي واحتمال في حاجة اخرى نحنا مانندروش عليها........
بايو ومنورة علي مجهوداتك

منوره نيرو كاالعادة....
..بالنسبة للموضوع هضا...
..اليوم بارك الله فيه استاذنا الفاضل علاء بن دردف..دارلنا حلقة نقاش حول الموضوع....
...اتضح من خلال اراء الجميع ان مافيش حد مصدق..ولكن للاسف برضوا مافيش حد مكذب..
..اي اننا في حيرة وتردد..شديدين..علي حافة التصديق والانكار في نفس الوقت..
...الموضوع يمكن يكون اي حاجة..يمكن كيف ما قالت الازرق عبارة عن تخليص حق منا مع شركات الاتصالات...
..لوفكرنا بالمنطق..لو صح الاشاعات..اكيد الحكوكه حاتعلم..وبالتالي اكيد ماتبيش شعبها ينضر باي شكل من الاشكالـ..
فكانت حاتغلق الاتصالات الدوليه منها والداخليه....
..هي كانت عبارة عن حاجة الله يعلم شن اساسها الناس زادولها بهارات وحطوا وشالوا عليها....
.لي عودة للتكمله ان شاء الله.....

شكرا خنونتي وانتي ياهدي علي المشاركه ونا عارفه ان مليون في الميه انها اشاعاه وكيف ماقال اخي ولد السلماني اشاعه عبيطه
لاكن الغريب مش في ليبيا فقط ظهرت حتي في 2007 في السعوديه ولاكن ع اساس ساحر يتصل بيك ويقولك شيخ من سنغفورا ويتحدت العربيه بطلاقه
وانتشار الرقم00221 ع جميع صفحات النت
وكذالك ظهرت في 2006 ولاكن قيل عنها من رقم تركي
ولهذا السبب دفعني الفضول لان ابحت وراء هذا الاشاعات الباطله وما الهدف منها وممكن ايكون من ورائها زعزعه سياسيه ليشغلو الشعب عشان كارثه اكبر

اولا تحياتى لك اختى عالموضوع لان هذا الموضع اثار جدلا كبيرا
ولكن بالعقل يا هووو التردد اللازم لتفجير طبلة الاذن لازم ايتعدى العشرين الف هرتز كيف مكالمة صوتية تقدر توصل للتردد هذا؟؟ اشاعة مش عارف شن الغرض منها ....
وما ننكرش ان الرقم هذا ممكن انه يرن عليكم عادى ... لانه ممكن ايكونو جماعة من اى بلد يبو ايديرو ارعاب للشعب " وهو شعب مرعوش من غادى " .... فى النهاية تقبلووووووووووووووو رايي

تسلمي خيتي نرجس

تبي الصدق أنا الموضع ماعدلتش عليه ولا درتله قيمة ولا حكيت عليه لحد حتى في الحوش
سمعته من مدرس معانا بعد كم يوم
وحكيت عليه أوذاني لانه ماخشش راسي ههههههههههه

بس تبوا الصراحة

عجبني تحليل حنان وتفصيلها للموضوع ههههههههههه

ياخسارة ماطقيناش فيها امتاع المكالمات الدولية المجانية
بعدك عندي كم واحد برا
كنت فلست بالشركة هههههههههههههههههه

تحياتي

» اخبار عن الرقم الدولي 0022
» مسجات الرقم الدولي الغر يب
» عند الرقم 5 قول 3 اشياء قربك
» اهدي ورده لمن تحب عند الرقم خمسه
» انتحر عند الرقم 5 واكتب وصيتك