أين استثنائي؟؟؟؟؟؟

السلام عليكم جميعا

يا جماعة وين استثنائي؟؟
لاه فترة معش خش ,,,طمنٌا عليك استثنائي,,,

استثنائي ماقصرش معانا بكل ومتفقدنا وحدة وحدة ,,ربي يعطيه العافية لا يغفل ولا ينسى,,

وحاولت نردله شوية من تفقداته وبدوري نسأل عليه,,

ان شالله الي مغيبتك حاجة خير
تحياتي

بارك الله فيك خيتي حنان على تفقدك هذا
هو بالفعل له فترة مابانش علينا
إن شاء الله المانع خير


افرح ياعم من قدك

لو نحسابوها هكي كنا اختفينا اشوية بلكي حد يسأل علينا

أنا مرة غبت عن المنتدى ايجي 3 شهور
مافيش حد فطن بيا ولا دزلي حتى خرشوفة مش وردة حمرة أخرى هههههههههههههههههههه


تسلمي حنون ربي يخليك نبراس لهذا المنتدى

الله يسلمك,,
حتى انت تستاهل كل خير,,
بس والله الفترة الي غبت فيها انا ماكنتش موجودة والا كنت سألت عنك ولووووووووووووووووو
تحياتي

الله كلك ذووووووق حنونة

هظا عشمنا فيك دائماً

تحياتي القلبية

تسلم انت بس رييييييييييييح وان شاء الله نديرو اعلانات ندورو عليك ماتخافش بكل وكون هاني
تحيااااااااتي

غير قولي بس امتي صارت
عليك فضايح ايغيب خونا الكبير ثلات اشهور عن الحوش وما نفقدوه

انشاء الله يكون المانع خير مشكورة حنون

ان شالله....
نيرو هظا كان وقت كنا نديرو في 3امتحانات وكويزين واستجواب شفهي.في اليوم..تهيالي وقتها حتى هلي ماندور فييهم ههههههههه
ونجو ثاني يوم حتى صباح الخير ماحوتك تطلع ههههههه
بس خلاص ماتخافيش تو نعوضوها.....منورة متميزة
بايو