حوار بين الشاعر والقمر

الشــــــاعـــــر :-
يابختك يا بدر الليل ، عندك صبح اتغفي فيه ، لانك شايل حمل ثقيل ولا اتعاني ايلي انعاني فيه ، الخاطر من حرقة وهموم ، وجفني ايلي ماغفا يوم ، ولا ذوقني طعم النوم اتقول امسخر نبكي بيه .
القــــــمـــــر :-
ليش وايش اسباب عذابك ، وايش ايلي خلاك اتحير ، فضفضلي وافتحلي كتابك ، واطمن سرك في بير ، ونا ع الياس معاك سند ، ضاوي نوري خير وود ، وقبلك ياما مالا حد شكولي وكنت بنصح وجيه .
الشــــاعــــر :-
باهي نحكيلك شن ساير واحكم من غلطان ، القيت حبيبي غيري معشوق وباع ايلي كان ، نكرني وين المال اغراه ، تجاهل كل ايام هواه ، وكافاني بظلمه وخطاه ، مش عارف كيف هنت عليه .
القـــــمــــر :-
اسمعني نعطيك نصيحه ودير ايلي تلقاه صواب ، قبلك ياما قلوب جريحه ، كانو بود وشوق احباب ولكن رضيو بالمكتوب ، القسيمه مامنها مهروب ، تباعد واصبر ونسى صوب ، الخاطي مولانا ايجازيه .
تقبلي تحياتي

حلووووووووووووووو سلمت يدك..ومنور

مشكوره ع المرور