غناوي منوعة 1

ايلي واجعني حبل الود ، انمده شور عزيز ايرد / زعلان خاطري ع الوقت ، عاكس عليه مايوم ساعدا / موش امغير حسوفه نقة ، فيد الغير عزيز انحقه / من لولاف الغية جتني ، حتى ونا راقد بكتني / حتى لو كبر ما ايدوم ، قصير عمر تاريته الغلا / زعزاعه ف الدار لقينا ، مافرزنا وين وطينا / غاليتهم وماهم ناس ، قليل ذوق ثاريتا خاطري / العقل واجعه ماضيه ، يبكي عليه مازال قاهره / الشينة ف ساعات الضيق ، عزيزك يعطي فيك طريق / جيل اصحاب اليوم مصالح ، خلوني نشرب من المالح / اتصدق ماني صاحب عيب ، لكن الحظ معاي عطيب / انشن ف البكا بالضحك ، علي خاطر انواري عبرتي / ماني قليل ضمير ، اندير دورتك وانخون في الاخير ،،، عليك تنحسب / انكان مو خاتمتك قسم ، نلقانك مرض شين يالغلا / يلي غلاك اقطاف ، انكانك نويت الهجر لا ماتخاف ،، انا فايتك / انكان نشكي للبحر يرفضني ، يفزع معاي الحوت وايصبرني / خان غلاي وقسمي لطه ، خنجر بين اضلوعي حطه / عزيز ع الجفا بادر وهو البادي ، وانا ع الجفا قادر وفته غادي / بعد كان خاطري شاريك وعاند الناس كلها ، اليوم خاطري ناسيك حتى رفيق ماعاد تلزمه / جروح خاطري بالعرض ، خياطي وحل في لمهن

جرحك ياخوان احملنا ، لو كان امغير اتساولنا / فكو ضمايده ع الحول ، لقيو الجرح كي يوم ربطته / تسطيرك يا دنيا ديمة شي فراق وشي ظليمة /بكت عيني وهاج بحرها خطر عليها ماضي قهرها / مادام العبا ع القسم ، الناس يالغلا ليش شاقية / ع روحي حطيت اللوم ، وانا عارف روحي مظلوم / ايلي زاد النار اعطاب ، الطفاي لقيته حطاب / ايحوس بروحه ، ياخذ نهار هو واجروحه ، عقلي اتجيه اوقات / تعال انوريك اللذعات ، اتقول هذا كنا مامات / ف الصوب المرميده صارت ، نين النية منا طارت / ياقاتلني ، كانك حضرت الدفن غير احضني ، بالك اترد الروح / عقلي في همين ايعاني افراق عزيز وميل زماني / سطار في جواجي الجرح ، بكا الطبيب يابال صاحبه / المهم ماقصرنا ، سلفنا غلا واجد وفيه اخسرنا ، ليش الزعل / ايطيح نرفعا وايطيح ، ايريد سير سروال الغلا / ايلي صعبة ع العقل ، سيات ناس كانو قرعتي / بالك بالك ، ايدور الزمان وينشدوك عيالك ،،، ف الدنيا من ظلمت / انعد الغلا واجروحه ، سنفور حايزة شرشبيل بروحه / نعجة دمعها بداد ، علي كبش في قلع هالبه / غير اطلبي ياعين ، جميع مايبكيك عندنا / نهار توزيع الصوب ، مالبخت نا جيت لاورة

المهم ماقصرنا ، سلفنا غلا واجد وفيه اخسرنا ، ليش الزعل

رووووووووعة القنك منووور
صحيت

انتي الأروع بمرورك الحلو تسلمي الأزرق

الله يسلمك ,,تحياتي

تسلمي الازرق