تقطيع + تقريم + قصقصه = هذا جونا (شعار الليبين)

من غير زعل هظا الحال شنوا الحل
اليوم بصراحة بنتكلم على الناس الفاضية الى مالاقية ماتقدم ولاتخدم غير شدينها قرمة فى عباد الله (وفلان دار وفلانة دارت وعلتان مشى وعلتان جى )
مامخلينى لا شيبانى ولا كبير ولا صغير فى حاله شادينها فى جرت الناس وخلاص
اولا قرمة الشباب طبعا الى يوقفو فى الزناقى ومعبين الشوارع وتلقاهم واقفين قدام المحلات يعاكسو ( فاضين ) من الاخير مافيش لا صنعة ولا منعة ولا قراية ولا عيل يشغلهم والمشكلة تفوت من قداهم الوحدة (البنت) تلقيه يقوللها يابنية (امى ادورلى على عروسة) تى باش بتاخدهالك ياحسرة وانت لاخدمة لا قدمة (حاجة تقهر) وشادينها طبعا قرمة فى بنات الناس (قدف المحصنات) مش مخلين وحدة فى حالها ، والله حتى المتخمرة بخامرها يعاكسو فيها (غض البصر) هدا مافيش منه بكل ، وتلقاهم مدايرين زحمة قدام المحلات لدرجة مرات ماتقدرى تتدخلى للمحل من كترتهم (نين تقوليلا بالله عليك زيد شويا غادى خلى بنخش) شن هدا ( ناس فاضية)
تانيا قرمة النسوة فى ديار الجلسة داخل الحياش فى تقعميزة عشية او حتى فى الصبح (قدام باب الحوش)وخودهالك عادة (قرمة ) فى عباد الله ماتحلى القرمة الا مع طاسة شاهى طبعا ( باللوز ) للعلم ، الطاسة الاولى وماكملت القرمة ، والطاسة التانية ولسا، والتالتة تابتة باللوز وقاعد الحديت مستمر، شن حديتهم ترا: Sad

قصقصة ، نميمة ، نفاق ،حالات زواج ، طلاق الخ......... ومرة مرة يخشو فى السياسة ومرة مرة يخشو فى الدين والحرام والحلال )
تالتا حديت بنات الاعدادى والجامعات والمعاهد داخل مؤسساتهم التعليمية ، طبعا نفس الحديت (هديكا شفتاها شن لابسة اليوم لالا مش حلوة لبستها اوفر هلباوهديكا......... مش عارفة شنى ) الخ............................من هدا الحديت
رابعا الشيابين فى وسط القهاوى تلقاهم معبين القهوة وطايحين فيها على ( شاهى ، وارقيلا ، وكارطة ، وقرمة اكيد ) لا يخلو الامر من دلك.
خامسا نسيت القرمة الى تصير داخل عراسنا ( الليبين ) والامر يطول هنا.................
سادسا القرمة فى الماتم (بعيد الشر ) هديكا خليها بروحه تبى عرس تانى
وهدا حال شعبنا .................
قرمة ، قرمة ، قرمة
وخلاص مش مخلين حد فى حاله (كيف بديرى معاهم ) يقولك:
(حديهم تولى زيهم) بتتطرى تقعمزى محدا الناس هدى بتتكلمى نفس مايتكلمو وكان غلطتى وقولتليهم عيب متلا وجبتيلهم حديت شريف
(حى عليك حى ) تقولى ارتكبتى جريمة الكل يشوفلك بطرف عين ويقولولك
(هدا ماناقص)
ربى يهدى الجمبع وخلاص وحتى انا منهم اكيد
ان شاء الله مانكون طولت عليكم بس
وشن رايكم فى ( القرمة) والى يقرم يرفع ايده خلى نشوفه
تقطيع + تقريم + قصقصه = هذا جونا (شعار الليبين)

ايه والله .هضي الي صاير .........مش عارفة شنو السبب..بس والله حرام...يعني لو الكلام الي يقولوا فيه صح يمكن نمشوه لكن المشكلة في الخرط.............ربي يهدينا وخلاص

ايوه صدقتي ياهدي
منوره واجد عرم مالاحد
مشكووووووووووووووووووووووووووره

والله كلام صح وواقعي بس أنا شايفة انه هالظاهرة بادية تنقص شوية من ناحية القرمة والنميمة,,بس من ناحية الشباب من شيئ لأسوأ وربي يهديهم والا من رحم ربي من النساء والشباب
عموما مشكوووووووووورة هالموضوع

السلام عليكم ورحمة الله تعالى وباركاتة

بجد موضوع غاية في الروعة والاهمية ........

وأسأل الله ان يشفيهم من هذا المرض.....

مشكووووور يارائعة

شكرا حنان شكرا استثنائي
نورتوا نقاش و الموضوع

» تريحنا من الايمووو جونا الجانجرو
» غرائب الليبين
» ذكاء الليبين....مخترع في الخامسة عشر من عمره
» زر شعار الويندوز في الكيبورد قد يجهله الكثير وظائفة وفوائدة