طلب لتنشيط المنتدي

شيماء و اسماء

السلام عليكم ورحمة الله وبركاته
انا واسماء بعدما لقينا ارواحنا نحطو في مواضيع وانردو على بعضنا لغرض التشجيع بعد حوار قلنا ضروري ما ينشطو شوية وبذات انكم قلتو ان فكرة المنتدى كانت مش مقبولة واجد وقلتو خلو المنتدى ينشط بيش انوروهم لكن كيف تبو عدد الاعضاء يزيد او نحنا نكلمو حد عشان يشارك ويلقى ان المنتدى مكسد ضروري ما تتحركو اصلا مستحيل في اليوم ماتفتحوش النت او مش كل يوم يوم الخميس مثلا المهم انكم اتخشو وتورونا النشاطات وان شاء الله تاخذو الملاحظات في عين الاعتبار
انتمنى نلقو فيه ردود على موضوعنا
وعليكم السلام ورحمة الله وبركاته

انا متفقه معاكن و ان المنتدى موصلنا بالمدرسه

بس لازم انراعوا ان البنات في فترة دراسه و نحنا عطله ...
و انا شايفه ان المواضيع كلهن مركزات علي المواقف اللي يصيرن في المدرسه او شئي خاص بي حواء
انا نبي انوضح ان في مواضيع حلوه واجد في التوكنولوجيا و في العاب واجد و مسابقات ممكن حتى انا انديرهن لكن بس نبي من يعبرني
و المنتدي صاح ان هو منتدي مدرسه بنات بس ...
يكون في معلومكن ان اكيد في ناس من بره و في حتى الاساتذه يعني لازم اتكون في مواضيع متنوعه
و ياريت تنتبهن لهذه النقاط
و شكراً يا اسماء و شيماء علي طرح الموضوع

العفووو وشكرا علي مشاركتنا الموضوع
وارجوا ان يتعدل المنتدي ويتحسن في اقرب وقت
نحن عارفين ان هن في فترة دراسه بس علي الاقل كل خميس يشاركن بمواضيعهن وردودهن

والةة ياسماء ويا شيماء عندكم الحق وانا واحد من الناس لم شفت مشاركاتكم اول مرة ابجد فرحت بيهن واجد وقلت فى نفسى الحمد للة اهو المنتدى بداء فى الانتشار اشوية على الاقل وصل لطالباتنا اللى فى الجامعة
فياريت اتكونو معانا فى الصورة
يعنى طالبات زيكن انتم وبمستوى اخلاقكم وذوقكم وتعليمكم لا يمكن ان يعوض فى هذا المنتدى وهذا الكلام بدون مجاملة
صح نحن مقصرين اشوية لاكن اللة غالب مشاغل
ولاكن الحق الحق نحن عابيين على الطالبات
والحمد للة البيان مازالت هى البيان وبحق عندنا طالبات واجد ماشاللة عليهن سوا فىى ثالثة او باقى السنوات
والحمد للة ان المشاركات فى المنتدى لعند توة بنات توب التوب
ولكى شكرى وتقديرىى يا اسماء وشيماء

شكرا يا استاذ اشررررررررررف جزيلا
علي المرور

مشكوره وبأذن الله راح ينشط بشكل واضح وراح تشوفو ...

ان شاء الله

وشكرا جزيلا لكم علي مروركم بالموضوع وياريت باقي الاعضاء يدخلوا ع الموضوع و ايقولوا رايهم ...

ان شاء الله راح ننشطو

بس نحنا والله وخدتنا القريه ونديرو يلي علينا

وشكراااااااااااااااااا