لما الدكتور يقول لا معاني

لما الدكتور يقول
" المرض هذا ما يستناش معانا، لازم انديروا العملية بسرعة"
معناها قصده
لازم نلحق انديرلك عملية، لأنه لو استنينا تو يشفى المرض بروحه وتضيع علينا الفرصة!!

لما الدكتور يقول
"انت محتاج تعمل شوية تحاليل"
معناها قصده
من الآخر أنا ما عرفتش شنوعندك، بلكي اللي في المختبر يعرف وينورني!!

لما الدكتور يقول
" استعمل الدوا هذا وتعال لعندي بعد بكرة "
معناها قصده
الدوا هذا لا ينفع ولا يضر، تعال بعد يومين بلكي انكون سألت حدا يفهم!!

لما الدكتور يقول
" شنو تاريخك المرضي؟!! "
معناها قصده
نبي نعرف أسامي الدكاترة اللي كنت تمشيلهم ، عليشان نعرف انت دفيع وإلا كحّيتي.....!!

لما الدكتور يقول
" انشوفك بعد عشر أيام "
معناها قصده
عليشان تدفع معاينة جديدة، انت ما قرأت شنو مكتوب عالكرت "المراجعة مجانية خلال أسبوع"!!

لما الدكتور يقول
" عندي خبر مش كويس، وخبر كويس، عندك مرض خطير بس لو ماضيعنا وقت ممكن نلحق ونعالجه "
معناها قصده
الخبر الكويس اني أخيراً قريب نشري سيارة مرسيدس والخبر المش كويس انك اللي تدفع ثمنها!!

لما الدكتور يقول
" نحنا تو نتابع تطورات الحاله أسبوع أخرى قبل ما نديرأى اجراء"
معناها قصده
الصبر كويس يمكن البلوة هذه اتحول لحاجة نعرفلها علاج!!

لما الدكتور يقول
"اعمل التحاليل في المركز الفلاني ، أنا نثق بالنتائج عندهم"
معناها قصده
يدفعولي عمولة 40% من ثمن التحاليل!!

لما الدكتور يقول:
" أنا تو انحولك على أخصائي يشوف حالتك أحسن مني "
معناها قصده:
انت صحتك زي الفل بس الراجل هذا مزنوق في قرشين وواجب ننفعه

مع احترامنا لجميع الأطباء

فعلا عندك الحق
ومشكور علي المواضيع المتميزه

لالالالالالالالالالالالالالا مش معقولة الاطباء كلهم هكى كان ها معش فى حد يصح
عالاقل 90% منهم مش هكى

ههههههههههههههه

نونا هذه مزحة بس
وبعدين في حاجات واجدة منها صح
وتقدري تقولي ان الـ 90 % منهم هكّي مش لاعكس

» مستقبل ليبيا مع الدكتور عبدالرحيم الكيب
» لماذا يقول لك الطبيب مد لسانك
» حروف و معاني
» معاني كلمات شائعة
» معاني أسماء بعض الدول