تطاوعك نفسك وتخلي ولدك يركب هذا الشئ للمدرسة ( عنّا والله ما قرا )

أغرب طريقة للذهاب إلى المدرسة: تَعلّق بحبل على ارتفاع أكثر من 400 متر

قد يمثل الذهاب للمدرسة مشكلة كبيرة للكثير من الصغار وآبائهم، لكن الذهاب إلى المدرسة في أحد المناطق الكولومبية النائية يُمَثِّل مشكلة من نوع آخر تماماً، لأنك لكي تذهب أو ليذهب أطفالك إلى المدرسة سيكون عليهم التعلق بحبل على ارتفاع يفوق الـ400 متر والانطلاق في الهواء بسرعة تصل إلى 64 كم في الساعة:

وهذا ما يفعله بالفعل سكان هذه المنطقة التي تبعد 64 كم جنوب شرق العاصمة الكولومبية بوغوتا، لأن هذه الحبال هي وسيلة اتصالهم الوحيدة بالعالم (ذكرتني بشعرة معاوية التي لا تنقطع!).
وتصوروا أن هذه الحبال كانت مصنوعة قديماً من نبات القنب فقط، قبل أن يقوموا باستبدالها بحبال من الاستيل!!

وهذه الصورة للفتاة الصغيرة ديزي مورا ذات التسعة أعوام وهي تقوم برحلتها اليومية المعتادة إلى المدرسة ! .

أما عن هذا الكيس الكبير الذي تحمله فهو أخوها الصغير جاميد الذي لا يستطيع التعلق في الحبال لصغر سنه، فكان الحل هو وضعه داخل كيس والتعلق به!

والسؤال هنا هو: كيف تم تصوير هذه الصورة؟

قام المصور كريستوف أوتو بالتعلق بأحد الحبال الموازية هو أيضاً ليستطيع تصوير المارّين!

سألتكم بالله ترضوا علي عيالكم يركبوا هكّي لو يبو يقروا

كان علي َّ أنا عنّهم والله ماقرو
انقريهم في الحوش أحسنلهم

والله عنك حق عليك تعب
مشكور

الله يا ريت يخلونا انعدو للمدرسه هكي حتي نحنا عليك
جو سمح لاكن خلاص كملت المدرسه
توا لو يدروها في الجامعه كل واحد يزقب في القسم ابتاعه

ربي يوفقك ان شاء الله في دراستك وتمشي للجامعة في سيارتك بدل هالتزقيب والحنطرة

انا انسيب المدرسة ونقعد نمشي وانجي Cool

كان علي َّ أنا عنّهم والله ماقرو
انقريهم في الحوش أحسنلهم.....قولتك يا ولد السلماني...تخيل كل يوم نقعد على اعصابي

شيماء كان ماهذى امشي للبوسكو خير هههههههه

علياء صدقتِ والله ! لأنها مش كل تسلم الجرة

لالا اللعبة هذه صقع على الجبل الروسي ودار الغولة انا نبي نلعب عليها

ااااااااااااااااااااااااااااااااه اتجنن يعوينهم والله Sad

مسكين نحنا الي حصلين نمشو للمدرسه با البصات Sad

هههههههههههههه تي والله نحنا البسكو امتعنا مافي لعبه تنفع الله كان ايحطولنا حاجه زي هذي فيها اتلقيني كل يوم غادي Smile

المهم مرسي ع التوبيك كنكم عليه انا انخليهم في الحوش او انعدي انا في مكانهم lol!

عليك تعب انبطل احسن
خير ما انموت
هو العمر بعزقة يا جماعة

هههههههههه آهو الكلام برازيل والله صدقتِ
مش كيف إللي قالت تلعب هي بدال العويلة وتمشي للقسم امتاعها في الجامعة هكّي ههههههههههه

منور واجد برازيل

هذا شعر
ولاااااااااااااااا شنو

أسيل مافهمتش عليك شعر شنو إللي ولااااااااشنو ؟؟؟؟؟؟؟؟ !!!!!!!!!

مشكور ...

لا خلاص كان أيخلونا نمشى للمدرسة هكى والله ننجح من الأوائل ههههههه والله يعنى فيها جو خطير مشكووووووووووووور ع مجهودك الرائع هيا باى

شنو جو طرزان هظا كل يوم ....قصدك مع هظا مازال عندهم نية يمشو للمدرسة؟؟؟؟ نحنا هنا سيارات وحافلات وامغير امشو وتلقاهم يتكربو
لكن هم يقدرو في قيمة العلم
وعلي قولة الشاعر
ومن تكن العلياء همة نفسه فكل الذي يلقاه فيها محبب
ومشكوووووووور

فوز - لطيفة - حنان

اشكر لكن ردكن اخواتي وتشجيعكن الدائم

مشكووووووووووور.....

» تبي تعرف شكلك ولدك شنو
» عليك فسترى والله ...
» اختر من رقم 1_19 واعرف الشئ اللى بيحسدوك عليه الناس
» شوق العودة للمدرسة .......... بقلمي
» للمدرسة عائدون " بس انا جامعة خسارة "