كيف تعرف الليبي؟؟؟؟؟؟؟؟؟؟؟؟؟؟؟؟؟؟؟؟؟؟؟

اليوم جبتلكم موضوع صقع مش عادي ان شاء الله يكون جديد بس وعطوني
آراءكم في الموضوع بس


كيف تعرف الليبي ؟

اذا كان سمعت حد يقول شن الجو...صقع عليك...فهذا بالتاكيد الشخص
ليبي

اذا كان لقيته شاذ مكياطة في يد وفي اليد التانية سبسي...فهذا
بالتاكيد الشخص ليبي

اذا كان عطاك موعد وجاك بعد ساعة او ساعتين ...فهذا بالتاكيد
الشخص ليبي

اذا كان قالك خمسة دقايق وقعد ساعتين...فهذا الشخص ليبي

اذا كان قالك شبوب والنبي ولعة...والنبي سبسي...فهذا بالتاكيد
الشخص ليبي

اذا كان لقيت في ايده باكو مكتوب عليه رياضي...فهذا بالتاكيد
الشخص ليبي


كانك علي شط البحر ولقيت واحد رادم دلاعة علي الشط والا صندوق
مشروب...فهذا بالتاكيد الشخص ليبي

كان بدي يبي ينكت...يقولك مرة في واحد...مع احترامي فهذا
بالتاكيد الشخص ليبي

كان لقيت واحد يقول للبيجو 404 موديل75 عكارية او قلع...فهذا
بالتاكيد الشخص ليبي

كان بدي يهدرز علي العائلة الكريمة وقالك الشيباني علي
بوه...والعزيزعلي امه...فهذا بالتاكيد الشخص ليبي

كان طقطق عليك واحد من الجيران وقالك تسلم عليك امي وقالتلك حكة
طماطم...ولا حكة زيت...شوية ملح...فاعلم ان جيرانك ليبين

كان لقيت بنية صغيرة تغني عيلة ياعيلة...هذي ماتحكش فيها راسك
بكل ...بالتاكيد ليبية

كان سالت واحد وقلتله شن اكثر اكلة تحبها وقالك بازين...ولا
مكرونة امبكبكة...فهذا بالتاكيد الشخص ليبي

واخيرا وليس آخرا افتخر باني ليبي والحمدلله اني جيت ليبي

وصدق اللي قال كان ماجيتش ليبي راهو فاتك الجو كله

مشكوررررررررررررررررررررررررررره
ياليبيه
*ـ اذا كان عطاك موعد وجاك بعد ساعة او ساعتين ...فهذا بالتاكيد الشخص ليبي
بس حبيت نعلق على هذا
اذا كان الموعد شب مع شب او رجل مع رجل ممكن
اما اذا كان شب مع فتاه هنا نغير , يأتي قبل الموعد بساعتين هههههه
ومشكورة اختنا الكريمة , وهذا الواقع هههه

هو هكي الجو الليبي بس من قال:
وصدق اللي قال كان ماجيتش ليبي راهو فاتك الجو كله
اموت واعرف هههههههه

منورة يا مديرتنا ...

ههههههههههههههههههههههههههههههههههههههههههههههههه
عنجد حكة طماطم
ولا اتسلم عليك امى و قلتلك كان عندك ربطه معدنوس عطينى غير الدكان امسكر و باتى مش قاعد
لوووووول هههههههههههههههههههههههه

ههههههههههههههههههههههه قويا هذى )

ههههههههههههههههههههه ونشهد بالله موضوع صقع..اكيد عرفتوني ليبية 100% وانسيتي حاجة لما الام اتجي للاب اتقولها والنبي كان عندك 10جنيه زلوف صحيتي

هههههههههههههههههه
صحيتي ومنوره واجد بكل

......منورين كلكم..وياريت تنشطوا معانا منتدي يا ليبيا يا منورة...

هههههههههههههههههههههههههه امنوره والله الموضوع رائع بكل

كانك علي شط البحر ولقيت واحد رادم دلاعة علي الشط والا صندوق
مشروب...فهذا بالتاكيد الشخص ليبي


قويه بكل ؟؟؟موضوع حلو منوره يا البيانيه الاولي .....................

هههههههههههههههههههه عليكن وعالاتراك( نصيحه ) ولالا

بس انسيتى حاجة كان عرفتة عصران وامدش يدة لحد اعرفة الشخص الي قدامك ليبي ومشكورة واجد تقبلي مرورى

نسيتى نص التن
امنوره والله

مشكوووووووووووووووووووورة

مشكوووووووووووره تقبلى مرورى

خشيت علي منتدى ياليبيا يامنوره وبالتحديد كيف تعرف الليبي , ممكن الموضوع مش شوره لكن حز في نفسي ونحن ليبيين كلنا ونقوللكم تعرفوا الليبي من وقفته في المصايب , ومصيبتنا في الطيارة اللي طاحت كارثة والعالم كله ايدز في التعازي , من أول يوم قالوا فيه هل الخبارة حليت علي جميع القنوات الليبية , ولا كأن فيه كارثه تخصنا وخاصة إن من بين الضحايا تقريباً 20 مواطن ليبي أقل ما فيها قائد الطيارة ليبي ومهما تكون اسباب انفجار هل الطيارة اكيدة يوجعونا كل من فارق الحياة في هـ الطيارة لكن للأسف ياإذاعات الجماهيرية أول ماحليت ع الشباببية القيت مسلسل مدبلج يابني ولله صيني مانندري عليه ومكتفيين بس بشريط الاخبار اللي تحت "سقوط طائرة من الخطوط الافريقية اقل مافيها مافيش داعي للغناء والمسلسلات راعو شعورنا ك ليبيين وشاركوا الناس احزانها العالم مازال يقدم في التعازي وانتم ولا علي بالكم ....
عظم الله اجر كل ليبي وليبيه والله يرحم موتانا والتعازي اقدمها لجميع الليبين واسر الضحايا إن لله وإنا إليه راجعون . اللهم الهم اهلهم وذويهم الصبر والسلوان ....

والله صدقتى يا (دبي) حتى انا انصدمت
شن يبي ايكون منضرنة من الدول الاخري لما مثلا احطو علي قناة ليبية مثلا يبو يسمعو تفاصيل الحادث ويلقو اغاني ومسلسلات ولا كانة في ناس راحن منهم اكبادهم واعيالهم
لا اله الا اللله

هههههههههههههههههههههه قويه هذي والله صدقتي
وكذالك تعرفيه ليبي لما يقعد عنك موعد ويتاخر اتكلميه ايقولك في الطريق اعرفيه ليبي لان الليبين طريقهم اقل شئ ساعه
هههههههههههههههه
امنوره علي الموضوع..

منوووووووووووووووووووووووووورة بكل موضوع ولا اروع هههههههه

منورة الموضوع يهبل واحلى شي

كان لقيت بنية صغيرة تغني عيلة ياعيلة...هذي ماتحكش فيها راسك
بكل ...بالتاكيد ليبية
ههههههههههه

ههه قوية بلكل

امنورة واجد