سطور التاريخ تسطرها ليبيا

بسم الله الرحمن الرحيم
اليوم جايبتلكم موضوع غير كل المواضيح موضوح كتبه التاريخ بدم الشهداء وسطرته ليبيا بقصص الابطال
قصه من ارض ليبيا تروي فتنزل الدموع لتتسال عن هذا الموضوع
اخواني القصه ومافيها ليبيا قدمت قصص واقعيه جعلت التاريخ يقف وقفت عزه وشكر لكل اصحاب القصص
ويلي نبيه من كل الاعضاء كل عضو ايخش يكتب قصه مرت عليه او سمع بيها علي احد الليبين اثناء الثوره او يسطر لنا سطور كتبها الشهداء بدمائهم بشرط المصداقيه في الروايه

وانا نبي نحكي حكاية شاب ليبي من بنغازي كل احلامه ان يحقق كل طموحاته
يوم 17 فبراير خرج هو و8 اصدقاء له يرفضو في الذل وظلم القذافي فافي يوم الكتيبه استشهد صديق مقرب له احد اصدقاءه 8
فقرر الباقي ان يعطو وعد لانفسهم ان لايرجعو من جبهت القتال الا عند تحرير ليبيا كلها من شرقها وغربها
وفي يوم من ايام القتال وبالغلط يقصف الناتو ليختار سيارة اصدقاءه يلي كاينين فيها 3 منهم واستشهدو وليس هكذا فقط بل لم يميزوهم من بعضهم
وبعدها واخيرا وصلو الي بنجواد ويافرحتهم بي بوابت التحرير وقبل كسفة الرجوع الي اجدابيه وقدوم الرتل الي بنغازي يستشهد صديق اخر له في بن جواد
ليترك له القدر من 8 اصدقاء اوفياء اثنين هو ثالتهم
ولم يتنازلو ولم يستسلمو ورجعو ثانيا الي جبهت القتال ليتمكنو من اخراج الكتائب الي مدينه بريقه ليستشهد الاثنين الباقين له
يالا هذا الحزن لو لم اعرف صاحب القصه لما قلت انها من وحي الخيال ولن تنتهي القصه الي هنا فمصير شهيد الوفاء لن يتوقف الي هنا بل تمسك بعهد اصدقاءه وليفرح باسترجاع طرابلس عروس البحر
ولاكن هو كان في الجبه الشرقيه وعلي مشارف اهراوه ليتلقي نصيبه مثل اصدقاءه بقذيفة جراد وليستشهد لكي يذهب اليهم ويبشرهم بسقوط الطاغي
وهذه هي احدي قصص الواقع التي كتبتها ليبيا بدم الشهداء بنكهت الكفاح وعطر الحريه
ليركع لها التاريخ ويوقف لها الزمان

اخواني اخواتي كل من عنده قصه يحكيها

الله اكبر الله اكبر ولله الحمد

رحم الله شهدائنا الابرار

والله قصة مؤثرة جدااااااااااا

والله عندي قصص بس عاديات مش لدرجة يقعدن بالسطور

قصيرات نقصد

نعرف وجدين استشهدو الله يرحمهم ويدخلهم فسيح جناته

مشكووووووووووووووورة انستي ع الموضوع المميز جدااااااا

» هاله المصراتي في سطور ...
» أصل كلمة ليبيا
» ليبيا يا منايا
» بنات ليبيا
» بنت ليبيا سابقا