ماعاد فيك ارباح من يومن مشامنك ازويل نجاح يامدرسة

ماعاد فيك ارباح من يومن مشامنك ازويل نجاح يامدرسة.

مانهواك ولاعاد عليك اطعمة ولاينجاك بعد نجاح.

سوتهتى الياس غزاك وخيم احذاك ودايرك مرواح.

وماتقول ميعادنا ايام احذاك واسمعنا سهاري من عزيزاسماح.

واليوم في الخلا قاعد ينش سماك حديدك اللي حاميك اهوطاح.

تعيس وجه ماطقه اقرام نزاك امغيركيف من واخذ ثمان ارواح.

ماعاد فيك ارباح من يومن مشامنك ازويل نجاح يامدرسة.

جفاك اوصول من يومن مشامنك هذاك الزول وحق النبي لوكاني مسيول اما نجاح ترجعلك ام بسلاح انهدك في جملة ابناك انطول الساس والقواعد فوق ها الاسطاح انخلي ابناهن على الوطة متقولة نين فيك مايلقى عزاء صلاح وتعاته اللي ايقول ايقول علي من العرب هذا حديث طراح.

ماعاد فيك ارباح من يومن مشامنك ازويل نجاح يامدرسة.

الرد....حسن الفاخري

يالي طريت نجاح للمدرسة مافيك طاح ارباح.

نقزت خاطري بالي طريت نجوحة وجعت خاطري ناضت عليه اجروحه من قوة لصغا واليأس صاف ابروحه وايش جيبك مالك امعاي صلاح.

نا مانسيبك نين من ما لوجع تأخذ امعاى نصيبك اتهد المدرسة ويتمادى عيبك وتنس بقولك سالمة وصباح ناصحيح ماننكر عليك سريبك لاكان علينا قال تجيب سلاح دور غزالك في اوعار شطيبك وخلي المدارس زاهيه بسماح .

عنك فيها اللي بدمار العامرة ناويها وحق النبي لوكاني راعيها ان تبقى منارة للعرب وسراح نزوق روشانها بعقد افراح ونزيد الحصص ماعاد اهناك ارواح وانكان هي تنباع نانشريها.

ماعاد فيك ارباح من يومن مشامنك ازويل نجاح يامدرسة.

الرد.....الاهلاوي الفاخري

نالي طريت نجاح ومازلت ديمه لها مداح انكان عاجبك.

مصعب نحس سوا بغيتي ولاعليه امواص يلي المدرسة تبي اتزيد احصص وتزين مداخلها بعقد افراح للزينة شهادة حق لاتبخصه والعيب الخطاء يأخذ مكان الصح .

تجيب عقد مالخارج عليه امواص وهي عقدهاالاصلي جبين نجاح من يومن مشا منها الله دلاهسها غزاءها البوم ودارها مرواح وغاب الزها فيها وغاب ونس وماعاد ضونها سالمة وصباح اللي بشعر ديرالي عليهنا قصة ونسيت خزرت الي في عطا قزاح اتقدع ومارامي اقدر يقنص اتفوج قبل مافيها ينوض اسلاح على راس قاره ناوية مخلص اتخلي القانص في وطة سياح هذكي هي نجاح الخايلة ماكوسة ماكل ماجابت عقاب اطراح اتقول جبت بنت اتلايقة بالتشقصة وتبقى اتزابي ي بنات اسماح نجاح ناجحة ديمة تزينة فارسا تركيبها سانجد امعاك صلاح لها نقط وطت في نص طويل وينما جت ايدير اسناح ولها جبين كيفا اشفق امسه امرقط

علي جباه وان اطياح احزام امن اللي لامااحمق فارسا لمسها بحال تحت مالصفاح معا قوة متتا

اتدير اتقصة وتجيب الحفثى ما طاقهن مفتاح وتخلى الترايب سفو في مقحصة كما اتقول زعزاعة

انسوم ارياح علي صف عدوانه ايجي مالصة ادير فيه فجوه والتريس اطياح

ماعاد فيك ارباح من يومن مشامنك ازويل نجاح يامدرسة.

قووووووووووووووووووووووويه صحيتي يا صقع

كــــلام رائع مهندستنا الرائعه صحيتي يا صقع ...

كلام رااااااااااائع,,, وينك يا مني لكي وحشة كبييييييييرة

ايجنن بكل مشكووووووووووووووووووووووووور ة

وانتوا ليكم وحشه مشتاقتلكم بجد منورااااااااااااااااااااات

» ماعاد عرفتك كيف ؟؟؟؟؟؟؟؟؟؟؟؟؟؟
» ماعاد عندي شوق يمشي شورك ...........
» قصة نجاح الانسان
» تركيز+مذاكره+دعاء=نجاح(بأذن الله تعالي )