عليش ترسمي ف القلب يا دكتورة

عليش ترسمي في القلب يا دكتـوره
وهو داه مو باين لكـم فـي صـوره
صــــعــــيـــــب دواه
مو كـل مـن عايـن ايصـادف داه
بسموم عزيـز وخـان فـي مبـداه
هو اللـي سبـب علتـه واسمـوره
هيالـه ايريـح خـاطـري قـسـاه
صرف له دواء فاقد معـاه شعـوره
مركب غريب وهـو عليـل اسقـاه
خليط من عناصر ضاره امحضـوره
عــلــيــك مـــكــــاده
امداوة مابـه مـن افـراق اريـاده
اسبابه غلا غالـي احجـر ميعـاده
وانزال فكرنا رايـح هتايـه شـوره
عليل شـوق مايبريـه طـي عيـاده
ميخود من فصيح الحبر فوق اسطوره
غــــــلاه الــكــايـــن
صعيب داه مو ساهل علي من عايـن
افعاله عزيـز معـاه عهـده خايـن
ابـرد الكفـا ماكـان فـي مقـدوره
عليه وين مابريـن اجروحـه حايـن
تفاكير جدن مـن اجـرار اخطـوره
وامغير م الغلا والبعد ماهـو لايـن
مامـن دفايـن غبـر فـي مدمـوره
غريق جال صاحب عزم في الكواين
مكاده علي مـن راد سبـره غـوره
يوم فيه لجـل ايكـون عنـده خايـن
وينزل ملـك لـرواح يقضـي دوره
مامـن اسـرار وموجعـه وغبايـن
يرقد بهـن فـي قبـلا بيـن قبـوره...... تحياتي

مشكككووووووووورة ع مرورك الرائع