ياما بيكيت عليها ...

ياما بكيت عليها وهي زاد تبكي وانا انودع فيها يوم السفر ، ماني ناكر بكايا عليها ف الصباح الباكر ، وهي زاد تبكي وماسكه التذاكر ، منين ما ايديا لامسن ليديها ، صار الوداع امغير ماني فاكر ، مغمى علينا كل حد ف جيهة *
ساعة التوديعه ومرت اللحظه الخاطفه السريعه ، اتقول لبعضنا انجددو في بيعه ، نا لاوره نمشي عيني فيها ، وهي زاد جلت عينها الوسيعه ، وجت راحله ف جرتي بيديها *
ياما بكيت انريدها وهي زاد تبكي بدمع وايدي فيدها ، تمنيت يدي امنيدها مانحيدها ، غير التماني اتموت بامانيها ، بكا جميع السامعين غريدها ، وانا مشيت وعبرتي كاميها *
هي بكايا ونا زاد نبكي وضامها يالايا ، وبين الدموع النازلات حكايا ، مني ومنها دوب نسمع فيها ، نحكو ع لفراق وفي النهاية واي ساعه ملتقانا فيها *
بكا ومجازف والدمع ينزل من العيون ونازف ، مثيل مايلامس ف لوتار العازف ، ايلي وتر عوده ريشته ايبكيها ، كيف مايكسر ف القزاز الخازف تكسيره قزازه خاطري نخزيها *
بكيت بدمعه ذابت ع لخدود كيف الشمعه ، جميع ابكايا من اصحابي سمعه ، شاهد علي ماصار فيا وفيها ، وكان صبح سبت ايلي تكفى جمعه ، الايام عندي سبت نين انجيها *

بكيت بحرقه ونازل فالصعود والسلالم ،نرقى سيل م الدموع النازفه بالدرقه ، بيدي انكفف غير واحل فيها ، الله لا تعودك يا ايام الفرقه ، امجرب وغيري ما انوده بيها .
تقبلو ارق تحياتي .....