وجه التشابه بين الرجل والتمساح

وجه الشبه بين الرجل والتمساح0000

اشوف ماحد قاعد يرد علينا اكيد احنا البنات محد قدنا يالله نبدا:

2 التمساح **ول جدا ومايحب الحركه الا لما يشوف فريسة والرجل كذلك

3التمساح همه على بطنه دايما والرجل كذلك

4 التمساح متوحش واذا احد ضايقه ابتلعه والرجال كذلك

5 التمساح اناني ومايحب احد يشاركه في شي والرجل كذلك

6 التمساح وقت المعارك والحرب يختبىء او يسوي روحه نايم والبعض منكم كذلك

7 التمساح يحب يحس انه دايما قوي وينكر انه ضعيف بعض الاحيان والرجل كذلك

8 التمساح مايحب التغيير يحب يبقى في نفس المكان لسنوات طويله والرجل كذلك

9 التمساح يحب يسوي نفسه كشخه امام الجنس الاخر والرجل كذلك

10 التمساح عنده اسنان والرجل كذلك

11 التمساح اصلع واغلب الرجال كذلك

12 التمساح يبكي بدموع غير حقيقيه والرجل كذلك

13 التمساح دائما نايم وبالموت يتحرك عشان يخلص مشوار والرجل كذلك

14 التمساح مايلاعب اولاده الصغار لو قربوا عليه طراخ على طول بذيله

والرجل كذلك بس يضربهم بالعقال

15 مايحب الإزعاج او الاصوات العاليه بس اذا زاروه ربعه التماسيح تعالوا اسمعوا الصياح والضحك

والرجل كذلك

16 التمساح يسوي نفسه شديد مع زوجته بس لوشاف سحليه حلوة سوى روحه روميو زمانه

اظن كذا كفايه مع انه مازال لدي الكثير والكثبر عنكم ياتماسيح بس خلوها لوقت اخر

ههههههههههااااااااااااااااااي
منوره نرجس
ماقصرتيش
مع اني عارفه ان الكلام هظا مش من قلبك ولا من قلبي
مكر بس
ومنوره ياصحبتي ياعسل ياصقع انتي

هذي اسماها دوارة
عليشان موضوع وجه التشابه بين المرأة والموبايل

بس للأسف مش راكبات لانهن يركبن على الصبايا أكثر

من إللي ديما يشبهوا في دموعهن بدموع التماسيح

ودير في روحها واجعك حالها وهي من جوا تضحك
زي التمساح ياكل ودمعته تنزل

ومن ومن ومن كلهن تقدري تحطيها عالمرا

وكيف مافيه ذكر تمساح فيه أنثى تمساحة

بس الموبايل مافيه ذكر وانثى

ولكن التشابه في الصفات

بينما التمساح بالعكس

يعني ليش ماتقولن التشاجه بين التمساحة

لانهن هذينا كلهن حركات نسائية

طبعا اكيد تبي ادفها في الصبايا
بس علي فكره قاصدتها ادوارت حس
اعذر من انذر هههههههههه
يعني عشان كل الكلام صح قعدت اتلخبط واتفول ادموع التماسيح شور الصبايا بس جت في ادموع مش مهم الاهم ان كل الكلام صح هههههههههههه

الحمد لله قلتيها بروحك ( مكر بس )

يعني ولد السلماني مش هو المكار

طلع توة من المكار

أنا مادويتش إنتِ ورطتِ نفسك بنفسك

هههههههههههههههه

لالا مش مكاره بس بس امعانديه ونحب ادوات الحس لما حد ايدورني ههههه

يانرجس أنا والبانت كلهن معاك وانتي صح والمقارنه صح
واحنا صاحباتك وعارفينك مش مكاره عسل
منوره صفتحي ومنوره المنتدي
ياذوق

نرجس مش شورك الكلمة فيه ناس ثانيين المكارين هما من قبل لما سألوا من العضو المكار قالت ولد السلماني

وبعدين ربي طلعها من لسانها وقالت :
( مع اني عارفه ان الكلام هظا مش من قلبك ولا من قلبي مكر بس )

يعني قالت عليك وعلي روحها مكارات

وكل الكلام إللي نقول فيه بديهي جداً ومتداول في المفهوم البشري هههههههههههههههه

راكن تزعلن راكن خواتي وما نرضى فيكن شئ راهو

لالا معقوله نزعلو منك وان شاء الله بس حتي انت ماتزعلش منا

ههه انقنه هذا اللى يسير فى الاغلب والله ... ما قلتى الا الصدق
مشكوووووووووورة عالموضوع

شنو نزعل نرجس

والله جو الطحن هظا أجمل جو

بس إن شاء الله انتن ماتاخذنش مني موقف

والله معزتكن مش اشوية

من الناحيه هذي اطمن حتي نا شوري الطحن وادوارت الحس هههههههههههههههه

خلاص اتقفنا حيا انديروا طحنة امالا ههههههههههه

لالالالالالالالالالا
نرجس حرام عليكي ما يستاهلوش كل هالكلام
يعني يمكن يكون في صفة ولا 2 لكن مش لها الدرجة
منووووووورة

ومنو عينك محاميه علي الرجاله مش عنهم السانات ويقدرو يحكو ههههههههههههههه والله انسميك محميه الرجاله باهي

ايوه عندك حق يانرجس
خلاص من يوم غادي انسموها محامية الرجاله
هههههههههههههههااااااااااااااااااااااااااااااااااايي
منوره نرجس

أخ منكن يابنات حواء بعد تشوفن وحدة اتكلم بالعقل تصبن ضدها

منورة واجد أختي حنان ربي ينصرك ويقويك

اه منكم يا جنس ادم
ونتم كل شي اتشوفو فيه من وجهت نظركم فقط

حيييييييييييه عليكي
عارفة هظا وين شفتها ماشي يانيرو ويا إيمان صار هكي
مااااااااااااااااشي
وياستي انا محامية المظلومين والمضطهدين من الرجال.......
وانا رديت للساحة بس المرة هذي مش في صفك........
بايو

يا جماعة وسعو بالكم
عاد شنو هضة كل ماانغيب اشوية علي المنتدى
انرد نلقى الجماعة باديين في عرايك وطحنات وقتل وصفق ههههههههههههههههههه
لالالا يا حنان والله زعلتينى منك
الكلام كلة صاح وكلة ينطبق عليهم
تى اساليني انا الي عارفة
عيت ادم هضومة كلهم يبو العين الحمراء مش ادافعي عليه وتقعدى محاميتهم

انا مانيش مدافعة عليهم كلهم وسوا الرجالة ولا الصبايا فيهم الزين وفيهم الشين....
يعني مرات الواحد يحول غريزته علي جنب ويفكر شوية.........وبعيدن انا نحكي علي نوعية الرجالة الي نعرفهن ماينفيش انه فيهم عيوب ...بس مش للدرجة هذي..انتي طبقيها علي حد غالي عليكي مثلا خالك ولا عمك..وشوفي.....
في الاخير الواحد يقول كلمة حق....
وكله الا زعلك منيوة...
بايوو

منورة واجد والله حنونة

ربي يخليك مناصرة للحق

بعدين برازيل اثبتيلك علي راي مش مرة هك ومرة هك

وكنهم الرجالة لعند تجمعيهم كلهم علي بكرة أبيعهم بنفس الصفات

الرجالة هظومه فيهم الأنبياء

وعمرنا ماسمعنا بمرأة نبية

الرجالة هظوما فيهم الولاة والقضاة

والرسول عليه السلام يقول
لا يفلح قوم ولوا أمرهم امرأة

لان المرأة ليست لديها قوامة

الرجالة هظوما هم القوامون عالمرأة
قال تعالى
الرجال قوامون على النساء بما فضل الله به بعضهم عن بعض )

الرجالة هظومه يفرقوا عن الصبايا في تسيير الحياة ومكابدتها لأنها تبي مشقة وتعب

قال تعالى عن مريم بنت عمران في سورة مريم

قالت ربي اني وضعتها أنثى وليس الذكر كالأنثى

الرجالة هظوما هم إللي قادوا العالم بجيوشهم وفتحوها بجهادهم وغزواتهم

كان نبي نعددلك معش نتموا بكل

وزي ماقالت حنونة وسوا الرجالة ولا الصبايا فيهم الزين وفيهم الشين

أنا شكلي نبي نستقيل
تو بكرة تلقي استقالتي عالمكتب امتاعك

اه نسيت
الرجالة هظوما فيهم إللي ماسكلك مدير اعمال شركة كواغط السنكرس الغير ملحوسة
رجال نساء أطفال

ولد السلماني ...كنت ماشي كويس لعند نصرة الحق...
بس بعدها بدا الضغط يرقا ..أيوه
معاك اوك ..لكن ماتطمنش واجد...... Rolling Eyes

وماتنساش وراء العظما هظوما كلهم نساء لهن أفضل التأثير
مثل أمهات الانبياء مثل السيدة مريم رضيالله عنها وآمنة بنت وهب وأم سيدنا موسى عليه السلام
وباقي امهات المؤمنين الي كان لهن الدور الاساسي في تأسيس الرجال العظماء....
ومن جهة أخرى ماري اديسون ...وبيرت كنكي..
هذا ن ناحية العلم ةالتربية
اما من ناحية الحرب
نساء واجد اثبتن وجودهن الملكة زنوبيا الي قادت جيش بنفسها وعلى جوادها هزمت جيش جالينوس الروماني...
وكذلك بلقيس قادت جيوشها بنفسها ووسعت بلادها لعند بابل وأذربيجان...وماتنسش سد مأرب ..الي بفضلها موجود للأن...
ونساء صحابيات حاربن جنب لجنب مع الرجال.مثل ام عمارة الي اشتركت في معارك احد وحنين واليمامة,,
في غزوة أحد وقفت جنب الرسول الكريم وقتلت وجرحت الكثيرين وقال لها الرسول الكريم(من يطيق ماتطيقين يا أم عمارة؟؟))
وقطعت يدها في أحد الحروب........وابنها هو الي قتل مسيلمة الكذاب ولما سألوه عنها قال يكفيني فخر انها امي!!

يعني هذي شريحة بسيطة من نساء عظيمات ماينتسش فضلهن في التاريخ..
شن رايك توا؟؟؟؟؟
آسفة عالاطالة,,,,
بايو

تسلمي حنونة

كنت ماشي كويس لعند نصرة الحق يعني اول سطرين بس

ههههههههههههههه

كلامك كله صح
وزي ماهو معروف وراء كل رجل عظيم امرأة

تحاول تعكفه ههههههههههه

بس هي وراه مش قدامه

هههههههههههههههه

أولا أنا ذكرت علي الراجل إللي تحاولوا تهمشوهم ذكرت مرتبتهم أنها هي الأولى

ياناس ياعالم في الأخر

هو بداية الخلق

وهو الأصل والأول في الخلقة

وأن الرجال منهم انبياء أولى العزم و ألخ ألخ ألخ

بعدين ماحدش ينكر بلقيس وغيرها مذكورات في القرآن

نحن نتكلم عن شرعنا خلاص كلام الرسول عليه السلام

لا يفلح قوم ولوا أمرهم امرأة

يعني حسم الأمر

حتى في كتب الفقه اقرون شروط الإمامة

تعالن هنا هل تقدري تأمي الصلاة برجل

عليك زر عالسيسان ههههههههههه

خلاص وضحت المسألة ومافيش داعي للشرح زيادة صح

ههههههههه أي تهميش تحكي عنه لا وللرجل.........كلنا عارفين انه دور المرأة هو الي يسعو الى تهميشه....
والله فاهمين وعارفين ان آدم اساس الخليقة وعارفين قوامة الرجل عالمرأة_بما فضَل الله_وعارفين انه في اشياء كثيرة شرعها الاسلام في هالخصوص...
نحنا ماحكيناش الا بعد ماهوجمنا يعني ساد ماعندكم الميزات هذينا الي حباكم بيها ربي........تجو وتستلمو عيوبنا..
ما حد ينكر ان الطرفين علي قد مافيهم من ميزات فيهم عيوب..لو كان الواحد منهم كله ميزات راهو ما احتججش للطرف الثاني ولانتهت الحياة.......هذي الحكمة من كل هالاختلافات والتناقضات....
ياريت الجميع يتقبل هالاختلاف
وينهي هالجدالات......وتحياتي لكم جميعا
بايو afro

آهو هظا الكلام المصبوط إللي يطلع بعد الزر والحك عالزينقوّات
ههههههههههههههههههه

مشكوره يانرجس ولله مسحتي كبدي ولله في بعض الرجال هكي ينطبق عليهم يلي قلتيه بس في رجال مشالله عليهم مش كل الرجاله هك صح ولا.....منوره يا نرجس منوره

ههههههههههههههههههههههههههههههههههههههههههههههههههههههههههههه
ياعليك يلي كبده دم عليهم صار مسحت كبدك ان شاء الله ياحنه ديما كبدك ممسوح

ولد السلماني كتب:: آهو هظا الكلام المصبوط إللي يطلع بعد الزر والحك عالزينقوّات
ههههههههههههههههههه

والله أغرب من هكي مافي لو صبينا ضدكم تقولو عنيدات ولا يدورن في الحس ولا قلنا الحق تقولو انزرينا,,,الواحد يقول الحق ولا بخاف لومة لائم......
فكنا من دوارة الحس يعني مش لو صبيت معاك معناها خلاص ايوه Twisted Evil

أيوه
بايو

» *****وجه التشابه بين الرجل والموبايل*****
» وجه التشابه بين المرأة والموبايل
» *******مخ الرجل*******
» دمعة الرجل.........
» دمعة الرجل.........