المرأة التي يكرهها الرجل

المرأة التي يكرهها الرجل

المرأة المسترجله: التي تزاحم الرجل في كل شئ بما في ذلك ميادين العمل الخاصة بالرجال.

المرأة المجادلة: التي تناقش الرجل في كل كبيره وصغيره ولا توافقه على كلامه حتى وان كان على حق لمجرد المجادلة والمناقشة حتى تثبت له أنها فاهمه وواعية لكل شئ

المرأة المادية: التي تعشق المادة ولا ترضى لها بديلا وتطالب بكل شئ حتى وان كانت في غنى عنه لمجرد أنها تعشق المال وتريد أن تمتلكه

المرأة الكاذبة: التي تملك كل الصفات البريئة لكنها مميزة بلسان لا يعرف إلا الكذب في كل أقوالها

المرأة المتحررة: التي لا تلتزم بدين ولا تتقيد بأصول وعادات ولا يردعها حياء أو خجل . متحررة في ملابسها وأفعالها وحتى ألفاظها

المرأة المملة: التي لا تحب التجديد في حياتها ولا التغيير في بيتها ، دائمة الانشغال في شغل البيت والأولاد والمطبخ لا تعرف الحوار ولا المناقشة كل تفكيرها منصب على البيت فقط متناسيه أن التفاهم والتجاوب العقلي لا يشبعه أحد غير الزوجة

المرأة الغيورة (الغيرة الزائده): التي تقتل بغيرتها القاتلة وشكها الدائم يقتل كل شئ جميل بينها وبين الرجل

المرأة الطموحة: التي تنشغل عن البيت والزوج والأطفال وتلهث دون كلل أو ملل خلف طموحها وأحلامها

المرأة القوية: التي تفرض رأيها وكلامها بقوة شخصيتها ولسانها الفتاك

المرأة الثرثارة: التي لا تعرف للسكوت معنى أو طريق ، دائما تتحدث مع زوجها وفي كل الأوقات وفي أي موضوع لا تسكت ولا يسكتها شئ أبدا ...\

شوف هذي مشكلة رجل لوما يحبهاش مش مشكلتها هيا
ياسلام لا طموحه ولا قويه ولا مجادله
خليه يكره مش مهم
مشكور علي الموضوع

هههههههههههههههههههههههههههههههه
ههههههههههههههههههههههههههه
لك مش امغير تعفلقتِ منّي

لا الطوح والقوة مطلوبات بس مش بالشكل إللي وراء الطموح والقوة كما في الإيضاح

مجادلة
آآآآخ ياراسي من توة سطرني

ههههههههه

لا باس أنا الثلاث ححاجات هذينا فيا
علشان هكي دافعة بقوه
وسلامت رأسك ولو

ههههههههههه تسلمي منّي ويسلم راسك

الثلاث حجات إللي فيك كويسات بس مش بالمفهوم العام

يعني المرأة الطموحة: التي تنشغل عن البيت والزوج والأطفال وتلهث دون كلل أو ملل خلف طموحها وأحلامها
هظا المقصود
اما الطموح إللي عندها هدف مايشغلهاش علي أهم حاجة في حياتها إللي هو زوجها وعيالها وبيتها فبلاش خير منه

المشكلة لو الواحد يشوف لاقرب مثال أنا عن نفسي لا اعتبرهن قدوة
لكن شوفن مع انحلالهن ( أكرمكن الله ) وتحررهن ووو ألخ
فهناك ممثلات عالميات من أكبر الأسماء
منهن من تقول أنها لا تضع المكياج لأن زوجها لا يحبه
ومنها من أول ماسمعت بأنها حامل تركت التمثيل وهي في وسط الفيلم
وضحت بعملها إلا يدر عليها مئات الألف من الدولارات لأجل رعاية ابنها الجنين إللي مازال في بطنها

مش الممثلات والمغنيات إللي عندنا
من أجل حفنة من الجنيهات تجديهن يمثلن وبطونهن قدام منهن
ويغنن وشكلهن يفجع من الوحم
الوجه المنتفخ والخشم السايح وتمايل كيف البطة

وهظا كلها مش امريحه روحها
لا وتلقاها تلاطع في وجهك

أما
المرأة القوية: التي تفرض رأيها وكلامها بقوة شخصيتها ولسانها الفتاك

الراجل صدقيني مايحبش المرأة إللي تفرض في شخصيتها بالغصب والتفنيص
وفي نفس الوقت ماتكونش نعجة ( كرمك الله )

لكن اشوية من الحنة واشوية من رطابة الإيد .

فيه صبايا واجدات مش ناقصات شئ جمال وعلم
بس سوقهن مش ماشي عليشان شخصيتهن
الراجل خشن يبي وحدة رطبة مايبيش حاجة يابسة زيه

حاجة تمص خشونته مش تزيد الخشونة احتكاك وتولع نار

تحياتي

يا سلام وان شاء الله ايش يلي يرضيكم يرجال لاتبو الطموحه ولا المتحرره ولا المجادله ولا القويه

علي الحاله هذي فصلو صبايا علي مجازكم ههههههه

ههههههههههههه حلوة واجد نرجس
لا منفصلوش علي كيفنا
بس هي هكي الحياة وهكّي خلقت الدنيا وسنتها

كان المرا تبي تعيش بروحها تمشي ادور عالم صبايا وتعيش فيه وادير إللي يريحها

وإلا تريح روحها وتعيش في كنف الراجل كيف ماتبي الحياة مش كيف مايبي الراجل

بس بجد الصورة صقع واجد هههههههه صحيتِ

كلامك صح ايمان يعني لا يبوها طموحة ولا قوية ولا مجادلة وبعدين لو المرأة بالقوة او بالطموح المذكور في الموضوع صدقني ما كانتش حتحتاج اي رجل وما كاننش حيجوزن هههههههههه ولا الرجل لقا الفرصة بيش يكرهها ومشكور

خليكن قولن اللي في بالكن عادي بس صيروكن تجن للطريق هههههههههه

هههههههههه تستطيع الحلم بذلك فقط ...تبي تقول عنيدات مجادلات تبي تكرهنا مش مهم
المهم نحنا عارفين شن نبو ولوين نبو نوصلو وشكرا

الازرق الحزين كتب:: هههههههههه تستطيع الحلم بذلك فقط ...تبي تقول عنيدات مجادلات تبي تكرهنا مش مهم
المهم نحنا عارفين شن نبو ولوين نبو نوصلو وشكرا

حرام عليك في حد أيقول أكرهونا
وقوليلي ياحنان الوين نبوا نوصولوا

ههههههههههههه لا حول ولا قوة الا بالله يا ايمان انت مش عارفة لوين تبي توصلي.؟
أنا نحكي علي روحي وعارفة المخططات الي دايرتهن لروحي
......فضحتي بنا معاهم ..........

باهي أنشاءالله ربي أيوصلك وبعدين أنسيت أنتي عندك أكتفاء ذاتي صح
ربي أيوفقك
بس أنا علي نفسي
مانبيش حد يكرهني وصراحه مش حاطه خطط ومش عارفه لوين بنوصل
وحتي لو حطت خطط مرات بقدرت قادر مايصيرش من الخطه بتاعي
يعني مخليتها علي الله صح نسعي الحمد الله بأجتهادي والباقي علي الله
بس صدقيني جنه بلا ناس ما تنداس
وناس يعني صبايا ورجاله
وعلي فكره أنا مانسيتش
الكلمه الاخيره ليا
وتوا علي قولة لطيفه هيا باي

يعنى انتو تعجبكم المرأة الذليلة
المراة الضعيفة
المراة المنكسرة
المراة الغير متعلمة
المراة الغير طموحة
بس للاسف هضة صعب اتلاقوه في المراة الليبية
المراة الليبية حاولت انها تتماشي مع العصر وانفتحاتو بس بكل ادب واحترام
يعنى بكل بصاطة المراة الليبية لا تنكسر تحت اي ظرف من الضروف

برازيلية شنو هالكلام
معقولة هظا إللي يعجبنا انتِ شوفي شنو معنى القوية والطموحة والمجادلة والمسترجلة والمادية والمتحررة ووو
شوفي معنى كل هظا
بعدين الراجل يبي شئ عكسه

مايبيش واحد يتناطح هو وياه

تخيلن انتن يجيكن راجل رقيق رهيف المشاعر دموعه علي خده ناعم رومنسي اكثر من اللزوم
ماحبش الخدمة إللي تعب
ديما يشكي ديما قاعد قدام اوجوهكن في الحوش
يحب يلمع روحه وشعيراته قدام المرايا

كلامه ملسون

الله يسترنا ويعافينا

من هالناحية معاك الحق scratch

بس ما فيش احلى من الاعتدال والتفاهم ولا لا؟

وهظا هو المطلوب الإعتدال والتفاهم

وكيف يكون الإعتدال لما كل واحد يلتزم بما خُلق له وهيأه ربي لعمله في الحياة

وشكرا واجد بكل اختي الفاضلة حنان لك مني أحلى التحايا

هههههههههههههههه

وصي ع وحدة بمواصفات خاصة من برة خخخخخخخ

امنور

» عندما يحب الرجل المرأة >>>
» ميزات المرأة عن الرجل
» دموع المرأة ودموع الرجل
» سبعة اشياء تحبها المرأة في الرجل
» صفات المرأة المفضلة عند الرجل .......... وداعآ للجمال ......!!!!!