بزنس اعضاء البيان

مرحبا بكم اعضا المنتدى الاعزاء وانشااللة اتشاركونا فى هذا المنتدى الجميل

وخلونا انخشو ى على البزنس اشويا فى هالعطلة منها كساد ومنها مربح

اى عضو عند اى حاجة يبى ايبيعها واللة يبى يشريها اى حاجة بشكليطة سيارة باكو بشكوط سلسلة ذهب مغشوش فيلا قطعة وطاة جهاز كمبيوتر مزرعة سخانة ايخش

وما علية الا ان يكتب اسم الحاجة والسعر الى يبى يشرى بية اذا كان شراى واللة الى يبى ايبيع بية اذا كان بياع

وانا توة نبدا

يوجد فيلا فى الحدائق على شارع الحدائق الرئسى وشارع فرعى مللك امقنط وتسجيل قطعى


مساحتها 1800 متر مربع يوجد بها بئر قديم وحوض سباحة صغير

منور منور منور استاذ اشرف..وان شاء الله عجبك المنتدى الاعلاني...وحطيناك مشرف اخره...ههههههههههههههههه

اه الفيلا مواصفاتها حلوة بس بكم ياتري؟

صح يا استاذ بكم بس

شكرا هدى على الاطرا وعلى هذا المنتدى الجميل

وشكرا نرجس على المساهمة


وبالنسبة للفيلا هذى الكلام مزبوط وصح مية فى المية ولوجبتى شراى امقنط وخذيتى الموضوع جدى تاخذى عمولة امقنطة وما تحلميش بيها

وبالنسبة للسعر بعد ما انتاكد ان الشراى واخذ الموضوع جدى وايجى وايشوفها بعدها انتفاهمو على السعر

وبعدين لو فية حد يبى يشرى صح اكيد عارف الاسعار غادى فى المنطقة

شكرا بنت بنغازى على الرد وبجد انتى فعلا برنسيست المنتدى
لقد وردتنى رسالة خاصة من العضو ولد بنغازى اخبرنى فيها بانة هو المقصود بجماعة طرابلس الذين ذكرتيهم فى مساهمتك السابقة
وقد رديت غلية برسالة خاصة الا انة لم يرد عليا حتى هذة اللحظة
لذا ارجو التوضيح من حضرتكم عما اذا كان يوجد هناك لبس فى الموضوع