قصيدة انفلونزا الدجاج "نا مازلت هي نا "

قصائد وجدتها في موقع ليبيا جيل واعجبتي وفيها تتكلم الدجاجة متفاخرة بنفسها متأنفة عن ما قيل عنها من امراض واوبئة والقصيدة بالعامية....
يقول الشاعر علي شحات الفاخري:
مازلت نا هي نا.. حتى انكان جبتوا فيّ ميّة دا.. لذيذة اللحم
ما زال عندي حرمه .. وما زال عظمي هو افواح البرمه
لا نحتاج للسّاطور لا للقرمه .. نا الحمي كله ع المفاصل جا
في الشـّوي في الكباب في الشاورمه.. في الطـّبخ في المكمور خير غداء
مازلت نا الموكول .. الخيره ويسقــّم علي القول
لاني شحم مليان بكرستول .. يسبـّب مرض مزمن قليل دوا
ولاني مثيل الجدي هالهرقول .. اللي وان ذبحه ايدير في ضوضاء
وعظامي طريّه مي عظام عجول .. ف القرقضه ديمه اشداد قسا
ولا نريد صيّاده و ناس تجول .. بسلاحــها في كل فجّ خلا
ونكان الخواجه ايدير فيّ اسبول .. نا للفقاره المفلّسين عفا
مازلت نا هي نا .. حتى انكان جبتوا فيّ ميّة دا .. لذيذة اللحم

وهذا رد الشاعر بن شويخه الذي يقول :
بعد اطلاعي على قصيدة الشاعر علي شحات الفاخري حول موضوع انفلونزا الطيور وعلاقته بالدجاج ، فأحببت أن اشارك الشاعر موقفه المؤازر للدجاجة التى بدورها لا زالت تقف مع المواطن راقد الريح فى صراعه مع غلاء المعيشة، وارتفاع اسعار اللحوم، فكانت هذه الابيات :

مازلت نا محسـوده ..نغذي ف جواجي بوالعين السـوده
نخلي اسماح موّردات خــدوده .. والفخذ من فخــذي يزيد نما
من فحم لوني نصبغــه مكدوده .. ومن لون بيضي يوصفو العضا
والهدب اللي مخلي العرب ممدوده .. من رهف ريشي رقـات بها
والثغر اللي يبرق بياض رعـوده .. من قشر دحيي رافعات لـوا
وحَمَار شفته هلي رقيّـق عـوده .. من عرف ديكي ساحبه الطـلا
وفى طنجرة هلي ضواء جرعوده .. دقايق وما نعطـل نكون غدا
وفى جوف خاوي شملته مشـدوده .. ننزل ومـا نخلف وراي لضا
لا نحيّره فى غسل وان أرقـوده .. ولا نشغله كان الحبيّب جـا
لاجدي لاني عجــل ولا دوده .. موصوفه من سـيدي الفقي دواء
ولكن زمــان الشايعات وروده .. امخلي بونيـّة العـز عـزا
مازلت نا هي نا .. حتى انكان جبتوا فيّ ميّة دا .. لذيذة اللحم.

مازلت شـوق الناس .. ومازالت للفقري لحـم وأنصاص
وللطنجرة مازلت نا لانفاس .. لامقدم ولا موخر ، اسـعار رخا
ومازلت بالعيله انحس أحساس .. بصدري نفاديهم ان صار غلاء
ومازلت للعيل فطـور وباس .. مع التن بيضي ما عليه اعـلا
لا ننزكم لا يصيدني منخاص .. جيبو الطبيب ، وراهنو بســخا
هذي اشـاعة دارها وسـواس .. من عنز عانس فاتها الشـراء
وغانم رخاني ما نشر قرطاس .. فى موقعه يوري أســباب الظاء

ههههههههههههه حلوة مشكورة

مشكوره علي مرورك نورتي الموضوع

» مازلت ********شعر سمح
» مازلت..............................أحبها
» ملحمة مازلت نا هو نا
» مازلت قاعد حي....
» ملحمة مازلت نا هو نا