قصيدة صـــــــــــــــــــــــــــــ علي كاس العالم ــــــــــــــــــــــــقـــــــــــــــع

أثناء نقل مباريات كأس العالم لسنة 1990 في ايطاليا وعند خسارة البرازيل
أظهرت إحدى الكاميرات إحدى المشجعات التى كانت تبكي لخسارة فريقها.

وقد اثار المشهد الشاعر الشعبي حسن المقرحي وألف قصيدة في هذه اللقطة.






تقول القصيدة:

كرهت الكوره..... وكرهت من بكى جميل الصوره( في كاس للعالم)

كرهتا كاسا.......... وكرهت من كان السبب في ياسا

وكرهت من خلا الدموع حواسا.... على خدها سالت وهي مقهوره

ونا سال دمعي في دواعي واسا ...... رقيق عزم فيها بكوتي معذوره

اللي خدها يضوي متيل الماسه.... في الشوط الاول فرحتا مغموره

رقيقة مشاعر ناعمه حساسه......... مرهون فرحك بشباك اسروره

عزيزى الهدف يجيها بكل سياسه.......... ونقار حارسها قديم اشهوره

وانتي جميله رفقتك وناسه............ مانكش كيف امناي هالمغروره

نصيحه ان تنسي تعكسي عالطاسه.......... في بار ليلي مايطفي نوره

فردت عليه البنت وقالت:

ماهو اخصاره......... دمعي عللي يلعبو بجداره

لكن خسارة الكاس هي لخساره.......... نبكي عليه ودمعتي مجبوره

وماتلومني في بكاي ماهي صغارة....علي ناس نا بيهم صحيح فخوره

العلم البرازيلي داع اخباره.............. اسياد الرياضه فن لعب الكوره

وكيف دمعتك سيل كحيل انظاره........ نا دمعتي سالت احكام ضروره

فيرد عليها الشاعر حسن ويقول:

يلي نظيف بشرها.......... ويلي سماح عيونها وشعرها

وخدودها وين القمر ينظرها.......... اصيرلا كسوف غار يطفا نوره

سبحان مولانا اللي صورها.............. تحلف منلي في جناين حوره

دعانا عللي صفوته كدرها.............. وخلى الخاطر دابلات زهوره

رتكبو جريمه صيفوا منظرها........ اللي قبل كانت عالجمال غيوره

ليش الجميله تكسرو خاطرها....... ولا تحسبوا لحساسها وسروره

وتجيب البنت قائلة:

يموت حنيني........ وتجف دمعاتي وتعما عيني

ودعاي عالفريق الارجنتيني......... اللي فرحتي منهم بقت ماسوره

وماعاد حاجه في الحياة تلهيني........... بعد الجرايد شاهده بالصوره

وحيده بقيت ولا من يواسيني.......... لين ننتهي تحت الثرى مقبوره

ويختم الشاعر القصيدة بقوله:

كرهتا اللي بكاها........ كيف ماكرهت الخاينه فغلاها

اللي قبل عاشقهن حروف اسماها...... واليوم منها دمعتي مهدوره

فيما مضى واجد بنيت معها.............. غلانا بقي للناس كي لسطوره

وانتي عالهزيمه دمعتك ريناها..... سالت على ميل الزمان وجوره

والياس طاغي حالتك رداها.............. ولا ينفعك دكتور لا دكتوره

ويلي صعيبه صورتك ننساها....... وطيفك مشقي خاطري بسموره

يارب اتكونوا حبيتوا القصيدة زي ما انا حبيتها.....وان شاء الله الي يشجع في منتخب يفوز منتخبه وياخد الكاس .....تحياتي ومنورين..

أولاالقصيده روعه خيال عجبتني
مشكوره
ثانيااليوم فازت البرازيل 3/0 وانشاءالله ياخدوا الكاس

مشكوووووووووووووووووووورة وقصيدة روعة ياهدي

منورين بنية بنغازينا وسوسو اكيد.اليوم البرازيل فازت بس اداءها وفنياتها0/0....يعني مش عرض ومباراة حلوة بكل.....

القصيدة حلوة
وانا شايفتها في منتدى واحد اخر
ببس مشكورة
ياريت اتسيبو البرازيل في حالها
لانكم مهما قلتو تقعد البرازيل
فرسان المستديرة

قصيدة حلوة بكل

مشكوووووووووووووووورة جدااااا

تحياتي