الطفل..........والجرسونة

اليوم ..نبو نحكو على قصة صارت مع وحدة تشتغل فى مطعم (جرسونة )...تحكى على طفل صغير دخل المطعم وفعد على طاولة كبيرة عريضة بروحه ..جاته الجرسونة صاحبة القصة بيش تشوف طلباته ..قالتله تفضل ايش تطلب ...فكر الطفل الصغير شوية وسألها ..بكم الجيلاتى بالفستق ؟ ردت الجرسونة ..دينار...طلع فلوسه من جيبه وقعد يعد فيهن ...لقاهن دينار بالتمام ...والجرسونة درهت كبدها منه علشان فيه ناس واقفين ومش لقيين وين يقعدو والطفل قاعد على طاولة بروحه جيلاتى بدينار ...المهم سألها مرة اخرى وقال ..باهى الجيلاتى العادى بكم ؟ قالتله وهى متعقدة ..اوف بخمسة سبعين قرش ...قاللها..باهى جيبيلى جيلاتى عادى رغم انى مانحبش ....مشت الجرسونة ..وجابتله الطلب امتاعه ..وقعد هضاك الطفل ياكل فى الجيلاتى العادى اللى ما يحبش ...والجرسونة على اعصابها وماهى عارفه ما ادير ...وترجى غير امته يكمل الجيلاتى ويروح ..ناس واجدة واقفة والطفل شاغل الطاولة فى سبه هالجيلاتى .....بعد ما كمل الطفل الصغير ..صبا وطلع الفلوس من جيبه وحطهن عالطاولة ..وطلع .....جات الجرسونة بيش تلم الطاولة وتاخذ ثمن الجيلاتى ...لقت الطفل امسيب دينار كامل افلوسه كلهن ...يعنى حق الجيلاتى ...ومعاهن بقشيش ربع دينار ....حست الجرسونة بالندم ..يعنى فوق ما انه مايحبش الجيلاتى العادى ويحبه بالفستق وامعا هضا طلبه بيش يعقب ..ربع دينار بقشيش للجرسونة اللى حطت فيه العبر ....وتمنت انه ايجى مرة اخرى بيش تعتذرله وتقدمله ...جيلاتى بالفستق اللى يحبه هدية..... .....كتبت القصة باللهجة العامية وليست بالفصحى .....اعتذر من الجميع واسف للاطالة ....دمتم وسلمتم اخواتى واخوانى

مشـــكـــــــووووووور

مشكووووووووووووووووووووور

شكررررررررررررا قصة حلوة