شن قصدنا بليبيا حرة

ليبيا حرة....

ماذا يعني هذا المصطلح بعد ثورة 17 فبراير؟؟؟

انه موضوع يستحق الانتباه إليه ومناقشته لتوضيح الفكرة بوضوح.

هذا المصطلح أصبح الكثير منا يستخدمه في حياتنا اليومية كشعار للفوضى والاستهتار,فتجد احدهم يتخطى ا شارة المرور والضوء الأحمر يعمل ولما أتعلق علي هالحركة يقولك بلهجة الشباب الدارجة (تي يا راجل ليبيا حرة) هاهاهاها لا حول ولا قوة إلا بالله هذي هيا الحرية اللي تحكوا عليها؟؟؟

لا معناها لازم انراجعوا أرواحنا ونعرفو معني الحرية الصح.

ولا المشكلة الأكبر اللي أتخلي الواحد يبكي مرات....( قصة المرتبات و قطع الكهرباء) النبي نبي أنقول للناس اللي ماتحمدش في ربي وماتشوفش في الناس اللي قاعده في الجبهة واللي صاير فيهم مساكين واللي قاعدين ايضحوا بأنفسهم عشانا ونحن مش متحملين قطع الضي ولا يقعد الواحد ايسب ويلعن بعد يمشي ومايلقش فلوس في المصرف ويقعد اينفتر (أيام معمر خير...والخ) من هالدوة القاضية.

احمدوا الله نحن قاعدين في نعمة وشوفوا المناطق المحاصرة( جوع وخوف وحياة مهددة وقهر )

بس نطلب منكم يا خوتي إنكم أتحملوا اشويه حتفرج عن قريب إن شاء الله وبارك الله فيه المجلس الانتقالي الحق ماقصرش معانا في حاجه وان شاء الله نفهموا معني الحرية بمعناه الحقيقي لان الحرية عمرها ما كانت تعني الاستهتار.

مشكور حبيبتي علي الطرح والتميز الراقي في مواضيعك
استمري علي هذا

والله الموضوع جا فى وقته يا مصراتية قعدنا نسمعوا فى كلمة حرية بكل سهولة مع ان معنى الحرية اكبر من هكى بواجد
الحرية هيا حرية رأى حرية قرار حرية علم ومعرفة بس حتى الحرية فى لها حدود والمفروض ماتنبناش على حرية غيرنا
بس الله غالب الافكار مازالن هنا هنا
مشكووووووورة حبيبتى ع المواضيع المميزة

موضوع مهم ورائع في نفس الوقت



وانشالله ربي يهدي الجميع



ارقــــــــــ تحيـــــــاتي .....

الرقي من طبعك نرجس وتسلملي طلتك

امين ياربي اخي الاعزل

مشكوووره فعلااا موضوع في وقتاااا وانشاءالله ربي يهدي عقولهم ........مشكووره

العفو نورتيmiley

بــــــــارك الله فيكــ يا مصراتي وجزاكي الله خير .....^^^^
فعلا هذا موضع مهم بالفعل لان واجين من الناس لااسف فاهميين الحريه بالغلط حتي لو دار حاجه غلط ايقول لا ليبيا حره ..والحريه لها الحدود ومش هكي ..
ربي يهدي الجميع ومنوره مره ثااانيه ..
تحياتي