شن جاي تبي.............

شن جاي تبي
للشاعر \ أكرم الكاسح الدرسي
محاورة بين الحوش والشاعر

قال له الحوش:
شن جاي تبي من بعد ماهانك
وبالسو قابل طيبتك وإحسانك

شن جاي تبي يادعي من غادي امصبي حذاي وبالحنين تنادي
حتى وأنت ساكت حس جوفك صادي
خبر علي جرحك وميل زمانك

فرد الشاعر أكرم الكاسح قائلا:

نا جاي بيش نحقه
أرياف الغلا عطبك علينا نقه
مليت هو يضرب ونا نتقّه
نين جابني رامي علي بيبانك

رد الحوش:

أنظر كيف مانك صافي
مسيب سريرك والفراش الدافي
تحت المطر تبكي نريد أولافي
حديثك عجب رايفت للي خانك

الشاعر

ياحوش قيسك جاهل
الشوق في غلا لولاف ماهو ساهل
نحكي معاك ونا اللي نستاهل
شن عرفك مايفهمن سيسانك

الحوش

ماني فهيم صحيح
لكن بنايا ماتهزه ريح
ولاني علي طول الزمان نطيح
كي طيحتك يلي طويل لسانك

الشاعر

عيبك زاد
ياحوشها مانريد لك ميعاد
ولانريد جية امغير ربي راد
ولقيتني امصبي حذا بنيانك

الحوش

ياريت تمشي تروح
في شوكتي لاما تجي تطوّح
خلاك شوق أعزاز غير اتنوّح
تبكي تريد الحن من حبانك

الشاعر

نبكي نريد الحن من حباني
ونبكي نريد يروف بي زماني
ونبكي نريد تروف ماتنهاني
نريد ننظره غالي اغبي ف أركانك

الحوش

لا ما غابي ف أركاني
ولاهو في هالشارع ولا السلماني
غرّب سكن عنوان مو عنواني
لا يريد شوقك لايريد حنانك

الشاعر

هاذين موش أخباره
تكذب علي تريدني انتواره
تعرف اجحا نا راه كي مسماره
لاعند ماتصدق معاي بيانك

الحوش

بياني حق
عدي خلاص امناك ماينطق
حديثك يخلي كل عزم يرق
الله يعاونك ياريت في حرمانك

راحن أيام الدروشة هاذيك

ونادم عليهن كان جن في بالي

ولا بخير لا بالشر نذكر فيك

ما انريد منك شئ لامن والي
صح لسانك يا فيلي

منــــــــــــــــــور ساد رائع جدا.........تحيـــــــــــــاتي