هابا ع ليام

هابه علي الأيام ..
بعد عز واجد شنقن صدام ..
مغير يقلبن الأيام

ليام فيهن انحير ..
ليام دوخني كيف غزل البير
شهور حرم ما تقتل الطير الطيار .. وهم يعدموا ويصوروا ف أفلام
زعيم العرب قزون بيه ضرير .. وبوه مات ما ضني عليه ملام
وطنه أوتخد والحكم تما جاير .. وملوك العرب ضد لهم خدام
وبعد عز واجد نال غير قهاير .. واتعاب راح تغيرت دباش جلام
وكبيرة كبيرة بعدها ما هناك كباير .. بعد اقصور ما بنين عليه اخيام

هابه عليك فجاوي ..
تشنيقة الزعيم وغيبة الزرقاوي
وفالجراح ما عندي عليش انداوي .. وفي شهادتي شينك نهاية عام
فجر عيد يا دوبه شفاء قضازي .. شنق قبله وينهم الإسلام
وروح وكالبش ما هناك جلاوي .. وراه العدو والحبال من قدام
وشايب لحية مطلوق داق مناوي .. وتحته إقماش أسود اتقول لجام
وشنق وخلا هالوطن ايباوي .. عزوز في شوارع من إخلاف أحرام
وعلي عزم بنته بوماش بو عداوي .. إلها سنين دمعتها علي الكمام
وملوك الخليج اموكلين رشاوي .. لبسوا حرير وحللوا الحرام
وامفيت وطنه ما هناك شي شرماوي .. تريس يقدعوا في الخيل من قدام
وتريس وطنه مازال طبله داوي .. داروا الحداد وكسروا الأعلام
واللي مو مرابط عندنا سعداوي .. معلقين كرعينه اطناشر عام
واللي ما جبروني هذا حرباوي .. واللي تلومه عندنا يلتام
ولا طنه نعطوه نين الجاوي .. لكسر الحديد ايكون هو لحام
ومن حلفه ايموت زعيم عقله شاوي .. بالله عليكم ما ترق عزام

هابه علي برمتهن ..
ليام كي الخيان تعجبك ضحكتهن
وكي ما خنان بزابط كي عزمتهن .. كمين عين خلنها اتلط اجمام
وممن أجواد اخضعت تبسيمهم .. مغير عيدوا وأصبحوا صيام
وحتى لو عطنك ياخدن عطوتهن .. ويحطن أكمامه فوق بو حوام
وزعميته اتليم كسر تجبريتهن .. وفيها يساع اتهزمها النعام
وكيف الخدم مرثتها حرفتهن .. لعابة الدنقة خبطها قدام

هابه علي الأيام ..
بعد عز واجد شنقن صدام ..
مغير يقلبن الأيام

ليام ياخذن الأخ من خوه .. وفوق النعش يسمطنه
ليام ياخذن الطفل من بوه .. ليام يقطعن فالمحنة
ليام ياخذن الأب ينسوه .. وتعيش أسرته بالمنة
ليام شينان ممن اوجوه .. وممن زعيم أعدمنه
ليام كيدهن كي نعنوه .. ليام خاطري حوسنه
ليام كتفن نالمندوه .. ليام صاحبي حطمنه
ليام حبلهن ما تحلوه .. مربوط بين شيعة وسنة
ليام جريهن ما طولوه .. واللي ما دفن يدفننه
ليام جاه وأوقات ما نجوه .. واجد اللي قزازننه
ليام موجهن لا اتعوموه .. ما من اللي زرد غرقنه
ليام عيبهن ما نعدوه .. ليام شوخن عيت حنة
واجد اللى نعرفوه .. علي جيته قصرنه
هذا وقت بالله اتقوه .. خذا الراس سيب الشنة
واللى صار ما صار عدوه .. واجعل مصيره الجنة
واللى بوش وبلير داروه .. أسلوب وطنه يرفضنه
وحتى دينه ما احترموه .. قلبوا عيدنا حزن كنه

والمهم هذا ننسوه ..
إعدام في ظلام ..
يحسبوه من الموت يطلب سلام
.... تحيــــاتي

صقـــــــــــــــــــــــــع امنور يا صقع علي الكلام الخطير هذا

امنورة انسة نرجس بمرورك الحلوو