مازلت قاعد حي....

السلام عليكم





اتصدقي...؟

برغم الغياب

وليل طول ما كمل

وآهات و اسمور وعذاب

وعقل يدوي ما ايمل

في بين بينه في خفاء

يرحل ايجيب ايلم

يحكي حكايه يسرد علل

وهدب وين ينشف ايجف

ايترع الدمع ايجم

به المواقي تمتلى

يحرق احداق العين

ينزل حذايف يجرح الخد

ويروي أطراف الكم



وطيف ساكن في العيون

وين ما الظلام ايحوش

وعتمة الليل اتعم

ايداعب حنايا الخاطر

ويرحل النبض ايسافر شوق وحنين ايجر

وقلب خفقاته حسايف

وجرح جوا جرح وين اندمل

ناضن اجراح اخرات

سطر سطير الجرح

نطف نزف ترع الدم



ومركب دليله راح جون توارا غاب المنار

ودر مساره تاه في ابحور السراب

مجدافه تكسر وساريه ممزوق الشراع

والربان حاير في المسافة

ونجم الدليل توارى وغاب الثريا ضاع

اتصدقي...؟

مازالت نعرف نخبر

ومازلت نقدر ع المصاعب نصبر

لوحة الساري نجبر

ننشر اشراعي

للمواني نعبر

اتصدقي...؟

مازال عندي أمل

مازلت قاعد حي...



اتصدقي......؟

برغم الشقاء

ورغم الجفاء والموح

وكسرة الخاطر والعناء والإنكسار في الروح

وجرح ينزف في خفاء

وبرغم الآنين والنوح

مازال عندي أمل

مازلت نا الخل الوفي

ومازلت قاعد حي ...



وتصدقي...؟

لوتصدقي تلقيني الغيمة الماطرة

السيرة النقية العاطرة

طبعي حناني في ومازلت قاعد حي...



اتصدقي ...؟

مازال نبعي صافي ومازال حضني دافي

ومازال حوضي بالحنان اذرافي

ومازلت نا الود النقي

مازال عهدي وافي

مازلت قاعد حي...!!!



يا ريتك اتصدقي ...

وتصدقيني وتصدقي

صحيح واصلني كلام

وشارب طواسي مر

من ظيم هجرك من جفاك

في خاطري شايل ملام

مطعون طعنة غدر

من ظلم ظلمك من خطاك

مكسور منقند مجروح

ما يقدر طبيب علي

بس........!!!

مازلت قاعد حي...!!!



اتصدقي...؟

بالرغم إنك بعتي

وهنتي الغلاء ضيعتي

مايوم عمري هنتك

شريتك و عمري بعت

والحب ما ضيعت

برغم الخيال الشارد

وغربة ورحيل وصد

ونبض صادر وارد

وشوق فاض وزاد في ليل قاتم بارد

مازلت ما نجرح دواء

ومازلت شيال العناء

ومازلت نا هو نا

واتصدقي...؟

مازلت عاشم فيك اتحني علي اتجي

منور عالكلمات الحلوة جد روعة..
تحياتي

مشكورة الأزرق الحزين والله احرجتيني بذوقك وردودك الحلوة ياعسل
وتحياتي لكي

العفوووو.....ولوو ..تسلم هذا من ذوقك.......

مشكورة الأزرق الحزين وهذا مش غريب عليك أنتي كلك ذوق

مشكورة أختي رنجس على المرور وأنتي أروع