غناوات منوعة 2

انتي ياعين عطيبة حظ ، اديري صوب اسبوع وايفظ / علي رقادة ريحي والبخت ، مسمح بكاك يالعين ف الخلا / ليش يالعزيز اتخون ، بعد عليك عاديت العرب / غلا عزيز كيف العنكبوت ، امعشش في تراكين خاطري / عزيز يالبكايات اتريدن ، وهو مو داري بيكن / الخاطر طول الليل ايجض ، وهلنا يحسابوه مرض / العقل م امرار الوقت ، يرقد مريض واينوض منفجع / يالعزيز اعربلي ، انكان الغلا مرفوع ليش الشقا ناصبلي {بالله قولي } / ايجي يوم ونبرى فيه ، وانعاتب ايلي ما ساولو / زول عزيز عليا غالي ، حتى انكان اخشيمه عالي / عيني للدمعه مخلوقه ، كل امرار جديد اتذوقا / وراسك ماعندي مانقول ، سكنت ف قلبي عرض وطول / علي ماشرب ماراب ، عطشان صوب مازال خاطري / قراية امغير عذاب ، العقل مافهم يوم ياعلم / سدك واجد وانتي تبكي ، ع المرهون ارباطك فكي / ضليله من ورا مرهون ، العين م البكا نين انعمت / ياريتني كفيف اخلقت ، ولا بالنظر ريت عازتي / دبلوم قهر ف لوهام ، من دون جيلي واخذها ف البكا / عليك فراسه ف الطفاي ، عزق روحه ف النار معاي / درت غلا فايز في جيله ، لكن فيسع ماشد رحيله / انكان غلاك معانا صافي ، راك امرايف كيف اريافي / ايلي ماكانت ع البال ، اعزاز ايخونو ياعقال .

كيف السيمه ، غلاك امعلم من قديم قديمه ، اسطاوي ايلي كاويه / يوم خطاه الناس التمت ، ماحضر غير المتشمت / عليش اطنش ويش اتكون ، خلق ربي غيرك مليون / تعيش ف الهنا مبسوط ، لك ياعزيز هذي دعوتي / ملتمات ع عرم مصايب ،ظلم وقهر وفراق حبايب / حلفتك قبل اتغادرني ، وصي جرحك ما ايسمرني / سنين ونا نكمي ف نار ، حكيت بعد صار ايلي صار / يحكم بلا قانون ، غلاك ياعزيز دولة ظالمة / ماينشد علينا حد ، لا خطا درنا ولا قصرنا بود ،، امغير بخت / وراهم عذاب القبر ، خاينين الغلا ياويلهم / حلاوة الغلا والصوب ، ايجن اصداف عقال يفهمو / عزيز ظلمني ، نهار زفته دز كروت عزمني ، بالعيب كافاني / الدنيا ماهي دار ركاح ، غلا واجد درناه وراح /
تقبلو تحياتي

يالعزيز اعربلي ، انكان الغلا مرفوع ليش الشقا ناصبلي {بالله قولي }

منوووووووور حلوات بكل,,,صحيت,,

بوجودك الازرق ومرورك كان احلى ، نورتي موضوع

وااااااااااااااااااو صقع بكل غلاك ياعزيز كتاب نقروه وين ايضيق علمنا

حلفتك قبل اتغادرني ، وصي جرحك ما ايسمرني
منووووووور حلووووووات بكل

منورين ايشرفني مروركم