غناوات ع الياس

ملتمات الله ايبارك ، حظ عطيب وياس امشارك /
انلقط في حظي بالحيطه ، والياس ورايا برويطه /
بوي ياس وامي ظلم / رضيع قهر من يوم ولدتي /
قال الياس عليا نا ، انخربلك غير دير غلا /
ياس وعين وفيه كتيبه ، صارت ف صوبي تخريبه /
نا مالي عليك ملام ، يالياس ليش اتزورني /
صبالي كبير الياس ، نساني غلا مو بأرادتي /
الياس علينا موش غريب تما ايجينا كي النصيب /
قاضي الياس غلانا ضره ، حكم اعدام من اول مره /
ننشد ف تقاز الرمله ، ليش الياس خذاهم جمله /
الياس لذعني فالقماط ، كبرت ونا شايل لعياط /
الياس ايلي تحكيبا ، ونا ف بطن امي شاقيبا /
جنين غلانا م الياسات ، تقلب هك وهك ومات /
الياس بعد صار جفا ، صبا اضبطني وبكا /
عقلي وين شكا بجروحه ، جض زعيم الياس بروحه /
مات الياس توارى همه ، ناضولي خوته من امه /
كبدي ف رحاة الوقت ، يطحن فيها الياس ع المهل /
الياس امسكر ف لقسام ، انريده يرحل دار اخيام /
م الياسات خذينا خبره ، نخلط ف الضحكه بالعبره /
كنك ياياس ونا كني ، ديما واخذ قسمي مني /
تلاطمت نا والياس ، ضحك وقال نا وين ناظرك /
قتله ياياس خطانا ، قال وراكم للجبانة /
ياسي مو ناوي تحويله ، دق اخيام وجاب عويله /
البخت ايلي ماخشه ياس ، امعاديني من دون الناس /
بين الياس والدباكير ، متقسم الخاطر منامه ، خذيت ع الصغا والتقاهير ، امروم عليهن اروامه ، يانا ايلي عايش ضرير ، وصارلي ماصار لليتامه /
تقبلو تحياتي

مات الياس توارى همه ، ناضولي خوته من امه /
منووووووووور بكل,,,تحياتي

بوجودك يا عسل تانكس لمرورك