رحلة في عقول الرجال ...... ( دراسة علمية )

السلام عليكم ورحمة الله

شفتن بيانيات

مش قلتلكن مرة هكي ومرة هك

يعني مرة عليكن ومرة عليكن ههههههههه قصدي علينا

وردي بالك تزعلي ايمان شوفي المرة هذي علينا

وخلي حنان تفش غلها فينا أصلها من كم يوم متقصدتنا اشوية هههههههههه

رحلة في عقول الرجال

(( دراسة علمية ))

طـِـبقا لأحدث الدراسات التي أجريت في مركز الدراسات الأسرية في مدينة دسلدورف الألمانية

المرأة تستحوذ على تفكير نحو 95% من الرجال

خاصة في العشرينات والثلاثينات والأربعينات من العمر

وذلك بمعدل 6 ثوان في الدقيقة الواحدة.

فالرجل إمـّـا مـُـطارِد للمرأة أو حالـِـــــم بها أو هارب منها أو كاره لها !!!!!

وكل حسب موقعه وخبرته معها.

وبعض الرجال لا يتوقفون مهما تلقوا لدغات منها

و 66% من الرجال أصبحت المرأة لديهم أشبه بالإدمان .

والرجل المخلص تماما ما هو إلا أسطورة, إذ ليس هناك رجل لم يفكر في أكثر من امرأة , ولم يتمنى أن يحب أكثر من امرأة؟

وتقول الدكتورة كاترين دورف :

الرجل المخلص غالبا هو رجل لم يستطع خيانة زوجته

أي أن النية موجودة عند كل الرجال..

والرجل بحكم تكوينه البيولوجي والنفسي وبحكم نشأته لا يكتفي بعصفور واحد في اليد

وإنما يتمنى كل ما على الشجرة من عصافير.

ويمكن التماس بعض الأعذار له إذا علمنا أن مخ الرجل لا يستطيع تجاهل المحفزات الحسية من حوله وما أكثرها هذه الأيام !!!

والغريب أن الرجل يمكنه أن يناقش أكثر الموضوعات جدية وهو يتابع بنظرة أو بفكره امرأة حسناء تمر أمامه .

ولم يعد الرجل بحاجة إلى أن يدير رأسه بحثا عن حسناء

فهن الآن مثل ــالهم على القلبــ.

وتشير الدراسة إلى أن الرجل يفكر في المرأة أحيانا بسبب الملل

فالعمل الناجح والدراسة يشغلانه عنها قليلا

أما أوقات الفراغ الطويلة فهي تدفعه دفعا نحو التفكير فيها قتلا للوقت

اولا انت الي لك كم يوم متقصدنا مش حنون
قانيا هذا الموضوع ابتاعك شي معروف الكل عارف
قصدك من الاخير رجاله كذابين وخاينين
هظا معني كلامك صح
قديبمه
هههههههههههه
ثانكس

نااااااااااايس

منّي راهو كلامك لاذع شنو قصدك الرجالة كذابين
الرجالة هظومه فيهم باتك وخوك وزوجك في المستقبل

لا بالعكس ماهم كذابين يكون في علمك أكبر قصص الحب إللي في التاريخ أبطالهن رجالة مش صبايا مافيش حد يقول مجنونة قيس مثلا لكن مجنون ليلي والبقية نفس الشئ

وهذي خلقة ربي فيهم الرجالة

وهذي حكمة ربي أمالا ليش ربي جعل الراجل هو إللي ليه العصمة
وهو إللي يتزوج ويتقدم ويخطب
عليشان هكي خلى هك تفكيره
بيش ينقذوا الصبايا من بحر العزوبية والعنوسية

شوفي النقطة هذي وفكري فيها كويس بس

أختي زينب تحياتي الكبيرة

والرجل المخلص تماما ما هو إلا أسطورة, إذ ليس هناك رجل لم يفكر في أكثر من امرأة , ولم يتمنى أن يحب أكثر من امرأة؟
موضوعك اخي الي ايقول مش انا
انت تقول في موضوعك مافيش رجل مخلص معناه خاينين

الرجل المخلص غالبا هو رجل لم يستطع خيانة زوجته

أي أن النية موجودة عند كل الرجال..
صدقني موضوعك هو الي ايقول
وانا اكثر وحده فاهمه مش محتاجه حد ايقولي فكري انا عارفه انا الكلام هظا يحتمل الاثنين
وعارفه انا في رجاله هكي وفي هكي
وفي كل جنس وفي كل مكان تلقي شين وتلقي زين
وانا طبعا نعرف رجاله ومن بينهم باتي وخوتي كويسين بكل مشاءالله عليهم
بس موضوعك اخي ايقول هكي
ههههههههههههههههههه
مشكووووووووووور

يا ربي انا شن درتلكم تواا؟؟؟
خسارة ما ني ديما مصبية معاك يا ولد السلماني
بس ساهل
شكلها المرأة وصفاتها اللي مش عاجباتك حتطلع قريبا
واحذر الحليم اذا غضب رحلة في عقول الرجال ...... ( دراسة علمية ) Icon_twisted

يعني لو خسرتني تحمل الي حيجيك
ويا ايمان انا معاكي في كل كلمة قلتيها
عالعموم موضوعك حلو كالعادة

حنان طلوعك من صفي واجد عليا ومانتحملاش
إيمان انقلبت عليا

وربي يخليك ويخليها ويخليكم يارب

اوك انا حنمشيها على سبة انه شهر رمضان وشهر تسامح وانا مش من طبعي انه ننقلب ,,,
بس المرة الجاية مانظمنش قسم المباديئ والعاطفة حيشتغل عندي ههههههههه
منووور مرة ثانية

انا ماقتلكش انقلبت عليا

انت قلت في الاول
يعني لو خسرتني تحمل الي حيجيك

فقلت طلوعك من صفي واجد عليا

وبعدين كنك شاطحة فيا وإلا صايمة حتى في الليل

ههههههههههه

ربي يخليك ويبارك فيك

هههههههههه
انا فاهمة قصدي انه مش حننقلب كيف ايمان وصلت
اما عالشطحة
معليش حرارتي راقية ومأثرة على دماغي هههههههههه
مشيها عاد

اها

سلامة دماغك من الحرارة حنّون
خودي كالبول كل اربع ساعات وبنادول اكسترا يصفيلك راسك

وطاسة قهوة تمخمخ جوك

وقصعة بازين تقعد راسك

ههههههههههه

منورة واجد حنان

دراسة اتخلي البنت ما توثقش في الراجل بكل وعندنا حق هههههه مشكور

تي كنها خاشة بعضها هيا هههههههههه وسعو بالكم

امنور يا زعيم ع الابداع المتواصل

» قلوب النساء أقوى من قلوب الرجال ( دراسة علمية ) افرحن ياصبايا
» طرق التخلص من المزاج السئ دراسة علمية غير عادية
» الفرق بين كذب الرجل وكذب المرأة ***دراسة علمية*****
» فلينظر الإنسان مما خلق ( رحلة جنين بالصور )
» لماذا ينتهي الحب ... وما هو الحب الحقيقي دراسة علمية غائبة عن الكثير مهم جدا