الفرق بين بنات زمان والان

سلام عليكم ....اليوم جيبتلكم الفرق بين ينات توااا والان بس اكيد احسن بناتت توااا


v v


v v


v v



البنات على ايام قديم الزمان




الاسماء:


غزلان-- سعيده-- خديجه--حسينه -- فهيمه--غندوره---جازيه---سعاد---سدينا---عزيزه---شريفه--هنيه...غيثيه ....رجعه





الملابس: جرد--دراعه--سروال خياطه--جلابيه




الحذيه::قنبالي ههههههه-- كندره مخيطه .




االاكسسورات او المجوهرات: خلخال--اوي اي عقد



الميك آب وادوات الزينة:: كحللللللللللللللل--مشموم الريحان اما الزيوت للشعر فاطيحن ويخلط وينحط علي الشعر خخخخخ



االزواج: طبعا من سن 12 الي 19 واذا فاتت العشرين ايقول عليه عانز او شارف ولو اتزوجت


طبعا المهر 1000او اكثر تزوج متشوف الراجل الا ليله زفافه مرات الراجل يطلع غوريلا تسكت غصبن عنها وفيش نقاش

ا
في الحاجه هذه وتسكت وتتحمل اي حاجه من راجلها انشاءالله ايعاملها كيف الحيوان تسكت ولو تزوج عليه عادي تسكت

ولو اطلقت حوش هلها كل ااااا يخرب وتبقا كارثه....... اها وتعرارما وزوز عيااااااااال


اوالان مع بنات هالايام


الاسماء


لينا-- يارا--بانا--دينا--ديانا --ساره--نارا--ايمان--زمرده--روميساء--يسرا---زهره--نور --رويدا--ميرنا.........والخ واذا مش

ع جبها اسمها اتغيرا خاطي اسماء الدلع ميمي-- نونا-- هنو-- فيفي...... والخ

ا
الملابس:: جينز ضيق او واسع علي حسب الموضه-- بدي--فستان صيفيه -- فساتن شتوي---بجامه --- .....والخ



الاحذيه::صندل--بوت--او شوز اسبورت طبعا يبقي ماركا نيك او بوما او اديداس .....الخ وكعب..


االاكسسورات اولمجوهرات::ذهب لازوردي او دماس--خواتم ---او اسوااار المكتوب عليه اسمك او اسم صديقاتك---ذهب ا ابيض ---المااااااااااااااااااااس...وغيره طبعا علي حسب الموضه



الميك اب او ادوات الزينا روج _ أيشدو _ بلاشر _ أيلينر -- والكحلل --وماسكرا طبعا طريقه عملا علي حسب الفنانات
شن ديرات ......


ا الزواج:: المهر من 60 وفوق طبعا العريس مرات ايكون البوي فرند او واحد جديد او يعني عادي


يكون متقداملها طبعا العريس لازم ايكون فارس الاحلام ولا بلاش يعني مهند --توم كروز ---زاك---جيسن مكرتني ...الخ


وطبعااا ديماااااااااااا الطلوع ولمات والمطعم ومتعرفش اتسوي ولاتنظف طبعا عيل او عيلان ولو كثرت مش اكثر من خمسه


واذا طلوقووو عادي مش نفس ايام زمان ايام التعقيدااات وطبعا هي الامره والناهيه في البيت .....

الموضوع منقوووووووووووول .


طبعااا هذه حياة بنات توااااا طبعاااا انا انقول بنات توااا احسن من بنات زمان مش واجد لان بنات زمان مفيش نفس ولا


دراسه ولاطلوع ولا شيييي وكل زمن له ايجابيات وسلبيات

طبعاااا انا عليش كتبت الموضوع علشان نسالكم من احسن بنات توااا ولا زمان؟؟؟


ا

بصراحة كل فئة لها ميزاتها وعيوبها.

الحياة تطورت وهذا ميزة من نواحي كيف التعلم و وووو وعيب من نواحي مثل تقليد بعض البنات لملابس ومكياج الفنانات ( العالم الغربي او الاوربي ) لكن هذا كل مازال فيه بنات واخذات من الاجيال الي قبل ميزاتهم بدل من عيوب هذا الزمان مشكورة علي السؤال وعلي الموضوع وانا تفلسفت واجد بس انشاء الله المعلومة وصلت

شن جاب لجاب
الفرق واضج
والمسألة ماتحتاجش تفكير

قال عليه الصلاة والسلام :
( لا يأتي زمان , إلا والذي بعده شر منه )

ياليت ترجع أيام العفة والصدق والحشمة والإحترام والطاعة

بصراحة مش عارف وين الراجل إللي يرضى ببنته وإلا زوجته تلبس قدامه الجينز والبدي

وفي الحديث الشريف : ( لا يدخل الجنة كل ديّوث . قالوا ومن الديوث يارسول الله ؟ قال : الذي لا يغار على أهله )

والله البهرجة الزائدة كلها آثار الغزو الثقافي والإنحلال الأجنبي
التي تبدأ في سلب حياة الأسر ودينها


تحياتي

صح لسانك ولد السلماني



نلقانة ايام الحشمة ايام زمان مانظني ايردن الا من رحم الله

ربي يهدي الجميع



مشكوووووووورة ميلو

شكرا ع الموضوع

بس الشخصية هيا اللى تغلب فى كل زمن فيه الصالح وفيه الطالح

والله مش عارفة بس على العموم مشكوووووووورة على مواضيعك الحلوة

لو ترجع الحشمه لبنات اليوم .... الانفتاح على العالم الغربى ليه مميزات زعيوب وعيوبه أكتر من مميزاته وربى يهدى

والله مافيها بنات زمان احسن بواجد على الأقل تاخذ البنت وأنت ضامن إن مافيش حد هدرز امعاها ولا دار امعاها علاقة من قبل ....مش كيف بنات تو تلقاها ع التليفون تعرف 20 شاب وع النت مش أقل من 50 وع الطبيعة 2ولا 3 واتقولك أصدقاء عادي طبعا إلا من رحم ربي ... يعني حال الغاية إن الواحد يلغي فكرة الزواج من رأسه بكل لأن الموضوع ما ايطمنش بكل

والله يا بلاك أنا فكرت أكثر من مرة وقعدت فترة استجمام لمدة شهرين في هاواي مرة وحدة لكن ماتغير شي .... لأن هذا الواقع وكلنا عارفين...بس أنا نبي نسألك شن الحاجات اللي يقدرن بنات توا ايفيدن بيهن غيرهن كيف ما قلتي أنتي .. وبعدين حسستيني إن بنات توا مايبنش يزوجن تي البنات كلهن نفس التفكير .. يعني مافيش فرق كبير بين تفكير بنات زمان وبنات توا.

كنك كمليتها ليا كلها (فكر بس وفكر ولو مرة ) خلاص غيريها الكلمة هذي لأنك حسستيني إن ماعنديش عقل بكل ..... وبعدين أنا معش نبي نحكي اخرى ومانبوش انزعلوك بنات توا خير من بنات زمان بواااااااااااااااااااااااااااااااااااااااااااااااااااااااااااااااااااااااجد....وانشاءالله غير اتريحي هكي بس يا بلاك

هرمنا لأجل هذه اللحظة التاريخية....الحمدلله اللي تريحتي مبارك عليك يابلاك